सिभिल बैंकले गत आर्थिक वर्षकाे मुनाफाबाट शेयरधनीलाइ चुक्ता पूँजी ७ अर्ब २५ करोड ९३ लाख रुपैयाँको ४.०५ प्रतिशतका दरले हुन आउने २९ करोड ४० लाख दुई हजार रुपैयाँ नगद लाभांश वितरण गर्ने प्रस्ताव गरेकाे हो ।
प्रस्तावित लाभांश नेपाल राष्ट्र बैंकबाट स्वीकृत तथा बैंकको आगामी साधारण सभाले अनुमोदन गरेपछि मात्र शेयरधनीले पाउनेछन् ।
सिभिल बैंकको गत जेठ २१ गते सम्पन्न बैंक सञ्चालक समितिको २४८ औं बैंठकले आर्थिक वर्ष २०७३/७४ को खुद नाफाबाट शेयरधनीलाइ १०.२५ प्रतिशत बोनस (७४ करोड ४० लाख रुपैयाँ) तथा बोनसमा लाग्ने कर प्रयोजनका लागि ०.५४ प्रतिशत नगद लाभांश वितरण गर्ने प्रस्ताव गरेको थियो ।
सो बोनस साधारण सभाबाट पारित हुन बाँकी नै रहेको छ । बोनस पूँजीकरण पश्चात बैंकको चुक्ता पूँजी आठ अर्ब ३३ लाख ९० हजार रुपैयाँ कायम हुनेछ ।
चालु आर्थिक वर्षको दोस्रो त्रैमासमा बैकले ३५ करोड ९७ लाख रुपैयाँ खुद नाफा कमाएको छ । बैंकको प्रतिशेयर आम्दानी ९ रुपैयाँ एक पैसा छ भने प्रतिशेयर नेटवर्थ १३३ रुपैयाँ ९३ पैसा छ ।