लघुवित्त सञ्चालक समितिको फागुन ८ गते बसेको ६९ औं बैंठकले लघुवित्तको तेस्रो वार्षिक साधारण सभाको विशेष प्रस्तावहरूमा उपयुक्त अन्य लघुवित्त संस्थाहरुसंग एक आपसमा गाभ्ने/गाभिने तथा प्राप्ती/समाहित हुने मुख्य एजेण्डा रहेकाे छ ।
जसका प्रयोजनको लागि उपयुक्त संस्थाको पहिचान गरि मर्जर /एक्वीजिशनमा जान राष्ट्र बैंकमा सैद्धान्तिक स्वीकृतिको लागि निवेदन दिने, सम्पत्ती तथा दायित्वको मूल्याङ्कन गर्न परामर्शदाता, मूल्याङ्कनकर्ता, लेखापरिक्षक नियुक्त गर्ने र निजको पारिश्रमिक तोक्ने लगायत अन्य आवश्यक कार्यहरु गर्नको लागि सञ्चालक समितिलाई अख्तियारी प्रदान गर्ने प्रस्ताव गरेको छ ।
यसैगरि यस्तै हाल कायम रहेको १५ जिल्ला कार्य क्षेत्रलाई वृद्धि गरी राष्ट्रिय स्तरको लघुवित्त संस्था बनाउन कम्पनीको प्रबन्धपत्र तथा नियमावली संशोधन गर्ने समेत तयारी गरेको छ । साधारण सभाबाट हाल रित्त रहेको २ जना सचालक को मनोनयन समेत गर्नेछ।
यस्तै लघुवित्तले आर्थिक वर्ष २०७४/७५ को वार्षिक प्रतिवेदन, लेखापरिक्षकको प्रतिवेदन सहित २०७५ असार मसान्त सम्मको वासलात, नाफा नोक्सान हिसाब छलफल गरी पारित गर्नेछ । आर्थिक वर्ष २०७५/७६ को लागि लेखा परिक्षकको नियुक्ति गर्ने र निजको पारिश्रमिक समेत तोक्ने तयारी गरेको छ ।
लघुवित्तको चैत १६ गते बिहान ११ बजे, आप्रपाली कटेज एण्ड रेष्टुरन्ट, सुख्खानगर बुटवलमा साधारण सभा आह्वान गरिएको छ । लघुवित्तले साधारण सभा प्रयोजनको लागि फागुन २९ गते देखि चैत्र १६ गते सम्म बुक क्लोज गर्ने जनाएको छ । त्यस अनुसार फागुन २८ गते सम्म कायम शेयरधनी साधारण सभामा सहभागि हुन सक्नेछन् ।
