गत बर्षको दोस्रो त्रैमाससम्म कम्पनीले १५ करोड ३० लाख नाफा कमाएको थियो । प्रतिकित्ता १९ हजार ६२१ रुपैयाँ शेयरमूल्य रहेको कम्पनीको प्रतिशेयर आम्दानी ३४८ रुपैयाँ पुगेको छ । गत बर्षको यसै अवधिमा कम्पनीको प्रतिशेयर आम्दानी १६६ रुपैयाँ थियो ।
कम्पनीले यस अवधि समममा एक अर्ब २४ करोड २३ लाख रुपैयाँ बराबरको उत्पादन बिक्री गरेको छ भने १४ करोड ६३ लाख रुपैयाँ अन्य स्रोतबाट आम्दानी गरेको छ । कम्पनीले उत्पादन बिक्रीबाट गत वर्षको यहि अवधिमा १ अर्ब २ करोड ११ लाख रुपैयाँ कमाएको थियो ।
कम्पनीले यस अवधिमा विज्ञापनमा २ करोड ६८ लाख रुपैयाँ खर्च घटाएको छ । गत बर्ष यसै अवधिमा २७ करोड ३० लाख खर्च गरेको कम्पनीले यसबर्ष २३ करोड ६२ लाख रुपैयाँ विज्ञापनमा खर्च गरेको छ ।
९ करोड २१ लाख रुपैयाँ मात्र चुक्ता पूँजी रहेको कम्पनीले जगेडा कोषमा १ अर्ब ८१ करोड रुपैयाँ संचित गरेको छ । कम्पनीको प्रतिशेयर नेटवर्थ २ हजार ७९ रुपैयाँ र मुल्य आम्दानी अनुपात १७.९६ गुणा बढी छ ।
मकवानपुरको बसामाडीमा कारखाना स्थापना गरेको कम्पनीले साबुन, सर्फ, दन्त मन्जन लगायतका सौन्द्रर्य प्रशाधनहरु उत्पादन तथा बिक्री विथतरण गर्दै आईरहेको छ ।