साधारण सभाले गत आर्थिक वर्षको नाफाबाट शेयरधनीहरुलाई चुक्ता पूँजीको १५.०५३ प्रतिशत नगद र ६ प्रतिशत बोनस सहित कूल २१.०५३ प्रतिशत लाभांश वितरण गर्ने प्रस्ताव पारित गर्नेछ ।
लाभांश वितरणका लागि बैंकले फागुन १६ गते बिहीबार बुकक्लोज गरिसकेको छ। यसअनुसार फागुन १५ गतेसम्म कायम शेयरधनीले मात्र उक्त लाभांश पाउनेछन्।
यस्तै सरकारको अग्राधिकार शेयर वापतको ६ प्रतिशत नगद लाभांश प्रस्ताव पारित गर्नेछ। गत आर्थिक वर्ष २०७४/७५ मा बैंकले तीन अर्ब ६७ करोड ३२ लाख रुपैयाँ वितरणयोग्य मुनाफा आर्जन गरेको थियो ।
यहि नाफाबाट बैंकले शेयरधनीलाई ५१ करोड तीन लाख १२ हजार ९६० रुपैयाँ बराबरको बोनस तथा एक अर्ब २८ करोड दुई लाख ९० हजार नगद लाभांश गरि कूल एक अर्ब ७९ करोड ६ लाख तीन हजार रुपैयाँ बराबरको लाभांश वितरण गर्नेछ। यस्तै सरकारले अग्राधिकार शेयर वापतकाे ६ प्रतिशतले हुन आउने ३२ करोड ५९ लाख ६२ हजार ७२० रुपैयाँ नगद लाभांश लैजानेछ।
सरकारको अग्राधिकार शेयर सहित बैंकको हाल चुक्ता पूँजी १३ अर्ब ९३ करोड २५ लाख रहेको छ । बैंकमा ८ अर्ब ५० करोड ५२ लाख १६ हजार साधारण र पाँच अर्ब ४३ करोड २७ लाख १२ हजार रुपैयाँ सरकारको अग्राधिकार शेयर रहेको छ ।
बैंकले सर्वसाधारण शेयरधनीलाई प्रस्ताव गरेको ६ प्रतिशत बोनस वितरणपछि बैंकको चुक्ता पूँजी ९ अर्ब एक कराेड ५५ लाख २८ हजार ९६० रूपैयाँ पुग्नेछ ।
चालु आर्थिक वर्ष दोस्रो त्रैमासमा बैंकले एक अर्ब ९ करोड ३७ लाख रुपैयाँ वितरण योग्य नाफा कमाएको छ । बैंकको प्रतिशेयर आम्दानी २० रुपैयाँ ३७ पैसा, प्रतिशेयर नेटवर्थ २६७ रुपैयाँ २१ पैसा र मूल्य आम्दानी अनुपात १२.३८ गुणा बढी छ ।