राष्ट्र बैंकले ७ दिनमा परिपक्क हुने गरी रिपो जारी गरेको हो । जसको विहीबार अपराह्न ३ बजे बोलकबोल हुनेछ ।
बोलकबोलमा ‘क’, ‘ख’ र ‘ग’ वर्गका बैंक तथा वित्तीय संस्थाले भाग लिन पाउनेछन् । फागुन ३० गते परिपक्क हुने यस रिपोको ब्याजदर न्यूनतम पाँच प्रतिशत तोकिएको छ ।
अन्तर बैंक ब्याजदर बढेर पाँच प्रतिशत नाघेपछि रिपोमार्फत बजारमा पैसा पठाउन लागिएको राष्ट्र बैंकले जनाएको छ ।
बैंकिङ प्रणालीमा लगानीयोग्य रकम अभाव देखिएमा राष्ट्र बैंकले अल्पकालीन अवधिको तरलता प्रवाह गर्न रिपो जारी गर्ने गर्दछ । राष्ट्र बैंकका अनुसार बैकिङ प्रणालीमा ३२ अर्ब रुपैयाँ तरलता छ ।