कोषको कार्यकारी निर्देशक रमण नेपालले पूँजी बजारको विकासका लागि स्टक डिलरको काम गर्ने प्रक्रियामा कोष रहेको जानकारी दिए।
'कोषले सुरुको अवस्था देखिनै पूँजी बजारको विस्तारका लागि काम गर्दै आएको छ। पूँजी बजारको विकास र विश्वसनियता ल्याउन स्टक डिलर काम गर्ने प्रकृया सुरु भईसेको छ। उक्त कार्यको लागि कोषले शेयर बजारमा कारोबार सुरु गरिरहेको छ।' उनले भने।
कोषले पूँजी बजार सुधारको लागि उल्लेख्य रुपमा काम गरेको बताउँदै उनले पूँजी बजारलाई अझ गतिशिल र स्थायित्व दिन कोषको भुमिका विसतार गर्नुपर्ने आवश्यकता औंल्याए। साथै उनले कोषले दोस्रो बजारमा आफ्नो लगानी बढाउँदै जाने घोषणा समेत गरे।
हाल वित्तीय बजारमा लगानीयोग्य रकमको आपूर्ति र ब्याजदर सन्तुलनमा राख्न कोषको महत्वपूर्ण भुमिका रहेको उल्लेख गर्दे नेपालले कोषलाई थप प्रभावकारी बनाउन वैदेशिक रोजगारीमा रहेका व्यक्तिहरुको बचतको औजारको रुपमा काम गरिने घोषणा गरे।
त्यस्तै अनपौचारिक र असंगठित क्षेत्रमा रहेका मजदुरहरुलाई समेत कोषमा आवद्ध गराइने बताए। साथै उनले समाजिक सुरक्षा तथा योगदानमा आधारित पेन्शन योजना संचालन गर्न कोष तयार रहेको उल्लेख गरे। कोषको कारोबार प्रणालीलाई आधुनिकरण गर्दै लैजान लागेको पनि कार्यकारी निर्देशक नेपालले जानकारी दिए।
