विगतमा लिलामी बिक्री नभएपनि हाल जेबिल्सलाई नेपाल इन्भेष्टमेन्ट बैंकले खरिद गर्ने सम्झौता भएकाले यस पटक भने फाइनान्सको सबै संस्थापक शेयर बिक्री हुने सम्भावना छ। लिलामी मार्फत फाइनान्सको यो शेयर सकार्ने लगानीकर्ताहरु इन्भेष्टमेन्ट बैंकको संस्थापक शेयरधनी हुनेछन्।
फाइनान्सले यसअघि पुस १० देखि १७ गतेसम्म संस्थापक समूहको ६ लाख ६५ हजार ९५५ दशमलव ५० कित्ता र सर्वसाधारण समूहको ३ लाख ३१ हजार ६७२ दशमलव ५० कित्ता शेयर लिलामीमा ल्याएको थियो। साे समयमा सबै शेयर बिक्री नभएपछि फेरि लिलामीमा ल्याइएकाे हाे।
फाइनान्सको लिलामी शेयरमा बिक्री प्रबन्धक सनराइज क्यापिटल लिमिटेड, कमलपोखरीबाट चैत्र १३ गतेसम्म शिलबन्दी बोलपत्र पेश गर्न सकिनेछ । बोलपत्रमा न्यूनतम एक सय रुपैयाँलाई आधार मानेर बढाबढ मूल्यमा आवेदन गर्न सकिनेछ। बोलत्रप भर्दा न्यूनतम एक हजार कित्तादेखि अधिकतम सबै कित्ताका लागि आवेदन दिन सकिन्छ।
कम्पनीले गत असार १० देखि साउन २८ गतेसम्म चुक्ता पूँजीको ४० प्रतिशत बराबरको २३ लाख ११ हजार ६५० कित्ता हकप्रद बिक्रीमा ल्याएको थियो।
हाल ७३ करोड ८२ लाख १० हजार रुपैयाँ रहेको जेबिल्स् फाइनान्सको लिलामीमा शेयर बिक्रीपछि ८० करोड ९० लाख ७७ हजार ५०० रुपैयाँ चुक्ता पूँजी पुग्नेछ।
