मेरोलगानी स्रोतका अनुसार राजेन्द्र खेतानको परिवारमा यस अघि भएको अंशवण्डामा भएको सम्झौता अनुसार लक्ष्मी बैंकको शेयर एक व्यक्तिबाट अर्कोकोमा सारिएको हो ।
अंशवण्डामा भएको सम्झौता अनुसार लक्ष्मी बैंकको शेयर पारिवारिक रुपमा कारोबारमा आएका कारण लक्ष्मी बैंकको धेरै शेयर कारोबार भएको हो । मेरोलगानी स्रोतले भन्यो ।
नेपाल स्टक एक्सचेञ्जमा बुधबार बजार बन्द हुन झण्डै ३० मिनेट बाँकी हुँदा लक्ष्मी बैंकको २६ करोड ५३ लाख ३ हजार ५२७ रुपैंया बराबरको १३ लाख ९५ हजार ७९६ कित्ता शेयरहरु कारोबार भएका छन् ।
यस क्रममा खेतान परिवारको पारिवारिक शेयरहरु ४९ नम्बर तथा १६ नम्बर शेयर दलालकोबाट सार्ने काम भएको देखिन्छ । धेरै शेयरहरु भने ४९ नम्बर दलालकोमा नै म्याचिगं भएको छ ।
पारिवारिक हस्तान्तरणका क्रममा कसका नामबाट ककसका नाममा शेयर सारिएको, त्यो भने खुल्न सकेको छैन ।