शिवम सिमेन्टले आर्थिक वर्ष २०७४/७५ को मुनाफा रकम मध्येबाट चुक्ता पूँजी ४ अर्ब ४० करोड रुपैयाँकाे १५.७८९५ प्रतिशत ६९ करोड ४७ लाख रुपैयाँ (कर सहित) नगद लाभांश वितरण गर्ने प्रस्ताव गरेको हो
कम्पनीले प्रस्ताव गरेकाे लाभांश आगामी वार्षिक साधारण सभाबाट पारित भएपछि मात्रै वितरण हुनेछ ।
शिवम् सिमेन्टले फागुन ६ देखि १४ गतेसम्म सर्वसाधारणमा प्रिमियम सहित प्रतिकित्ता ३०० र स्थानीयबासिका लागि प्रिमियम सहित प्रतिकित्ता २०० रुपैयाँका दरले कूल ५२ लाख ८० हजार कित्ता शेयर निष्काशन गरेको थियो ।
चैत ५ गते नेप्सेमा सूचीकृत भएको कम्पनीको शेयर चैत ७ गते बिहीबार नेप्सेको अनलाइन प्रणालीमा शिवमको 'स्पेसल प्रि ओपन सेसन' मा म्याचिङ्ग हुन नसक्दा चैत १० गते आइतबार देखि मात्रै कारोबार भएको थियो ।
नयाँ कम्पनीलाई प्रदान गर्ने नयाँ विन्डोबाट कारोबार गर्नुपर्ने चैत ७ गते बिहीबार काराेबार हुन नसकेपछि आइतबार देखि मात्रै कारोबार सुरु भएको थियो ।
नेप्सेले शिवम् सिमेन्टको पहिलो कारोबारका लागि न्यूनतम १६१ रुपैयाँ ६० पैसा देखि अधिकतम नेटवर्थको तीन गुणासम्म अर्थात ४६४ रुपैयाँ ८० पैसासम्म कारोबार रेञ्ज तोकिएको थियो । त्यस पछि लगातार ३ दिन नेगेटिभ सर्किट लागेको थियो भने चौथौं दिन पनि शिवमको शेयर मूल्यमा गिरावट आएको थियो । साे पछि बुधबारदेखि भने कम्पनीकाे शेयरमूल्य बढ्न थालेकाे हाे ।
