विगतमा ग्लोबल आईएमई बैंकबाट मात्र शेयर कारोबारको राफसाफ गराईदै आएको थियो ।
अनलाइन कारोबार प्रणालीको विकास हुँदै गर्दा नेप्सेले थप ३ वाणिज्य बैंकहरुलाई राफसाफको काममा भित्र्याएको थियो । अनलाइन कारोबार प्रणाली सञ्चालनमा आए पछि नेप्सेले ४ वटा बैंकहरु मार्फत भैरहेको राफसाफ प्रणालीलाई अनलाइनमा इन्टिग्रेट गरेको थियो ।
नेपाल इन्भेष्टमेण्ट बैंक, ग्लोबल आईएमई बैंक, प्रभु बैंक र सिद्धार्थ बैंक अहिले नेप्सेको अनलाइन प्रणालीमा इटिग्रेट छन् । यसका साथै नेपाल क्लियरिङ हाउस पनि प्रणालीमा इन्टिग्रेट भैसकेको भए पनि हाउसका सदस्य बैंकमा सेवा लिएका लगानीकर्ताहरु अनलाइन प्रणालीमा आबद्ध हुन सकिरहेका छैनन् ।
४ वटा क्लियरिङ बैंकमा सेवा नलिएका ठुलो संख्याका लगानीकर्तालाई ध्यानमा राखेर नेपाल क्लियरिङ हाउसको विद्युतीय प्रणालीमा आबद्ध बैंक तथा वित्तीय संस्थाबाट पनि रकम हस्तान्तरण गराउने काम तिब्र बनाइएको नेप्सेले जनाएको हो ।
नेप्सेले भनेको छ, हाल नेप्सेको प्रणाली सिडिएस एन्ड क्लियरिङ लिमिटेड तथा ४ क्लियरिङ बैंकको प्रणालीसँग एकिकृत छ । नट्सलाई नेसनल क्लियरिङ हाउस लिमिटेडको प्रणालीमा आवद्ध गराई त्यसका सदस्य अन्य बैंक तथा वित्तीय संस्थामार्फत अनलाइन रकम हस्तान्तरणको व्यवस्था मिलाउने कार्यलाई तदारुकताका साथ अगाडि बढाइएको छ ।