युनाइटेड इन्स्योरेन्सको पूँजी वृद्धि अभियान: साढे ७२ कराेडकाे हकप्रदलाई ग्रेड ४ रेटिङ्ग

Apr 02, 2019 Merolagani

युनाइटेड इन्स्योरेन्स (UIC) बीमा समितिले तोकेको न्यूनतम चुक्ता पूँजी कायम गर्न जुटेकाे छ। जसका लागि कम्पनीले हकप्रद निष्काशन प्रकृयालाई अगाडि बढाएको हाे। कम्पनीले जारी गर्ने हकप्रदलाई रेटिङ्ग कम्पनी केयर रेटिङ्गस् नेपालले ‘केयरएनपि आईपिओ ग्रेड ४’ रेटिङ्ग प्रदान गरेको छ।

केयर रेटिङ्गस् नेपालले इन्स्योरेन्सको हकप्रदलाई दिएको ‘केयरएनपि आईपिओ ग्रेड ४’ रेटिङ्गले कम्पनीको आधारभुत पक्ष औसतमा भन्दा तल आधार रहेको जनाउँछ । 

इन्स्योरेन्सको गत फागुन १६ गते सम्पन्न विशेष साधारण सभाले चुक्ता पूँजी ३० करोड २४ लाख रुपैयाँको २४० प्रतिशत अर्थात १० बराबर २४ कित्ता अनुपातमा एक सय रूपैयाँ अंकित दरमा ७२ करोड ५७ लाख ६० हजार रूपैयाँ बराबरकाे ७२ लाख ५७ हजार ६०० कित्ता हकप्रद जारी गर्ने पारित गरेको थियो ।

बीमा समितिले बोनस वितरणमा अंकुश लगाएपछि कम्पनीले भारी मात्रमा हकप्रद जारी गरेर बीमा समितिले तोकेको पूँजी कायम गर्ने तयारी थालेको हो ।

दुई सय चालिस प्रतिशत हकप्रद जारी पश्चात इन्स्योरेन्सको चुक्ता पूँजी एक अर्ब दुई करोड ८१ लाख ६० हजार रुपैयाँ पुग्नेछ ।


comments powered by Disqus

धितोपत्र बोडद्धारा ७ दिनभित्र बैंकलाई ब्रोकर इजाजत सहित ८ बुँदाको प्रगति विवरण पेश गर्न नेप्सेलाई निर्देशन

Sep 15, 2019 06:46 PM

नेपाल धितोपत्र बोर्डको सुपरिवेक्षण तथा अनुसन्धान विभागले बैंकलाई ब्रोकर इजाजत सहित ८ बुँदाको पछिल्लो प्रगति विवरण ७ दिनभित्र बोर्डमा पेश गर्न नेप्सेलाई निर्देशन दिएको छ।विभागले भदौ २६ गते पत्राचार गर्दै बोर्डको निर्देशन तथा मुद्रा तथा पूँजी बजार समितिको दिएको सुझावमा आधारित रहेर नेप्सेसंग कार्यान्वयन नभएको बुँदाहरुको पछिल्लो प्रगति विवरण माग गरेको हो।