मेरो माइक्रोफाइनान्सले ग्लोबल आईएमई क्यापिटल मार्फत गत फागुन १९ गतेदेखि एक बराबर एक अनुपातमा ३२ करोड ८९ लाख रुपैयाँ बराबरको ३२ लाख ८९ हजार कित्ता हकप्रद बिक्री खुला गरेको हो।
माइक्रोफाइनान्स सञ्चालक समितिको माघ १५ गते मंगलबार सम्पन्न ८१ औं सञ्चालक समितिको बैठकले हकप्रद निष्काशन गर्न माघ २४ गते बिहीबार शेयरधनी दर्ता पुस्तिका बन्द गरेको थियो। यसअनुसार माघ २३ गते बुधबारसम्म कायम शेयरधनीले मात्र यो हकप्रद भर्न पाउनेछन् ।
शेयरधनीले मेरो शेयर सफ्टवेयर, धितोपत्र बोर्डबाट आस्वा सदस्य प्राप्त सम्पूर्ण बैंक तथा वित्तीय संस्थाबाट सि आश्वा प्रणाली, बिक्री प्रबन्धकको कार्यालय जमल, तथा मेरो माइक्रोफाइनान्सको सबै शाखा कार्यालयबाट चैत २४ गते आइतबामर कार्यलय समयभित्र आवेदन दिन सक्नुपर्नेछ ।
हाल ३२ करोड ८९ लाख रुपैयाँ चुक्ता पूँजी रहेको माईक्रोफाइनान्सको १ः१ अनुपातमा ३२ लाख ८९ हजार कित्ता हकप्रद शेयर बिक्री पश्चात ६५ करोड ७८ लाख रुपैयाँ पुग्नेछ।
माइक्रोफाइनान्सले चालु आर्थिक वर्षको दोस्रो त्रैमासमा ६ करोड १८ लाख ५८ हजार रुपैयाँ खुद नाफा कमाएर वार्षिक प्रतिशेयर आम्दानी ३७ रुपैयाँ ६२ पैसा रहेको छ।
चैत २१ गते बिहीबार माइक्रोफाइनान्सको शेयरमूल्य प्रतिकित्ता ५५० रुपैयाँमा कारोबार भएको छ ।
नुवाकोटमा केन्द्रीय कार्यालय रहेको राष्ट्रिय स्तरको लघुवित्तले आफ्नो सेवालाई अझ सबल र सक्षम रुपमा विस्तार गर्न हकप्रद निष्काशन गर्न लागेको जनाएको छ ।
ग्लोबल आइएमई बैंक सहित आठ वाणिज्य बैंक र दुई विकास बैंकको अग्रसरतामा २०७० असार ३० मा यो कम्पनी स्थापना भएको थियो।
