एक्सेल डेभलपमेन्ट बैंकको लाभांश वितरण, कागजी शेयर डिम्याट गर्न आग्रह

Apr 05, 2019 Merolagani

एक्सेल डेभलपमेन्ट बैंक (EDBL) ले गत आर्थिक वर्ष २०७४/७५ को नाफाबाट वितरण गरेको १७ प्रतिशत नगद लाभांश वितरण गरेको छ। बैंकले फागुन २६ गतेसम्म डिम्याट खातामा बैंक खाता अद्यावधिक गराएका शेयरधनीलाई उक्त लाभांश वितरण गरेको हो।

बैंकको चैत ११ गते सम्पन्न १३ औं वार्षिक साधारण सभाबाट गत आर्थिक वर्षको नाफाबाट शेयरधनीलाई १७ प्रतिशत नगद लाभांश वितरण गर्ने प्रस्ताव पारित भएको थियो ।

साथै बैंकले हालसम्म पनि कागजी शेयर धारण गर्ने शेयरधनीहरुलाई आफुसँग रहेको शेयर अभौतिकिकरण (डिम्याट) गर्न आग्रह गरेको छ । आफ्नो बैंक खाता रहेको बैंक तथा वित्तीय संस्था तथा नजिकैको रहेको कुनैपनि निक्षेप सदस्यकहाँ डिम्याट खाता खोली शेयर अभौतिकिकरण गर्न सकिनेछ ।

फागुन २६ गते पश्चात हितग्राही खातामा बैंक खाता अद्यावधिक गराउने तथा शेयर डिम्याट गराउने शेयरधनीलाई पनि क्रमश शेयरधनीकै खातामा नगद लाभांश वितरण गर्ने जनाएको छ ।

यसैगरि बैंकले डिम्याट खातामा क्लियरिङ्ग हाउसबाट आईपिएस सदस्यता प्राप्त कुनेपनि बैंक तथा वित्तीय संस्थामा रहेको आफ्नो बैंक खाता नम्बर अद्यावधिक गराउन भनेको छ । बैंक खाताको विवरण हुबहु नभई लाभांश प्राप्त गर्न नसकेका शेयरधनीको विवरण बैंकको शेयर रजिष्ट्रार एनआईबिएल एस क्यापिटलको वेवसाइटमा राखिएकाले निक्षेप सदस्यकहाँ विवरण सच्चाउन सूचीत गरेको छ।

बैंकले जारी गरेको सूचना यहाँबाट हेर्नुहोस्

 


comments powered by Disqus

हिमाल दोलखाको आईपीओ बाँडफाँड, निष्काशित सबै शेयर बिक्री नहुँदा चार प्रत्याभूतिकर्ताको थाप्लोमा

Aug 22, 2019 07:57 PM

हिमाल दोलखा हाइड्रोपावर (HIMAL) ले निष्काशन गरेको साधारण शेयर बिहीबार बिक्री प्रबन्धक ग्लोबल आईएमई क्यापिटलको कार्यालयमा बाँडफाँड भएको छ। आईपीओमा आवेदन गरेका सबै लगानीकर्ताले माग अनुसारको नै शेयर प्राप्त गरेका छन् भने निष्काशित सबै शेयर बिक्री नहुँदा चार प्रत्याभूतिकर्ताले बाँकी शेयर सकार्नुपर्ने अवस्था आएको छ ।