आरएसडीसी लघुवित्त (RSDC) को ५ लाख ७५ हजार ९२० कित्ता बोनस शेयर सूचीकरण भएको हो ।
लघुवित्तको गत पुस २९ गते सम्पन्न पाँचौं वार्षिक साधारण सभाबाट गत आवको नाफाबाट १० प्रतिशत बोनस शेयर र कर प्रयोजनका लागि ०.५३ प्रतिशत नगद लाभांश वितरण गर्ने प्रस्ताव पारित गरेको थियो । उक्त बोनस अहिले सूचीकृत गरेको हो । लघुवित्त कम्पनीको उक्त बोनस साधारण सभाका लागि बुकक्लोज गरेको अघिल्लो दिन पुस १४ गतेसम्म कायम रहेका शेयरधनीलाई मात्र वितरण गरिएकाे छ ।
यता, रिडी हाइड्रोपावर (RHPC) को ३ लाख ६३३ कित्ता बोनस शेयर सूचीकृत भएको छ । यसले असोज २० गते सम्पन्न सत्रौं वार्षिक साधारण सभा गरी ६ प्रतिशत बोनस र कर प्रयोजनका लागि ०.३२ प्रतिशत नगद लाभांश पारित भएको थियो ।
हाइड्रोपावर कम्पनीको उक्त बोनस साधारण सभाका लागि बुकक्लोज गरेको अघिल्लो दिन असाेज ६ गतेसम्म कायम रहेका शेयरधनीलाई मात्र वितरण गरिएकाे छ ।
आरएमडीसी लघुवित्त (RMDC) ले गत आर्थिक वर्षको नाफाबाट वितरण गरेको ७ लाख २६ हजार ७२६ कित्ता बोनस मंगलबार नै सूचीकरण भएको छ।
लघुवित्तको पुस २७ गते सम्पन्न बिसौं वार्षिक साधारण सभाबाट चुक्ता पूँजीको १० प्रतिशत बोनस र १० प्रतिशत नगद लाभांश पारित भएको थियो। सोही बोनस अहिले सूचीकरण भएको हो।
कम्पनीको उक्त बोनस साधारण सभाका लागि बुकक्लोज गरेको अघिल्लो दिन पुस ३ गतेसम्म कायम रहेका शेयरधनीलाई मात्र वितरण गरिएकाे छ।