राष्ट्र बैंकले बिहीबार १५ अर्ब रुपैयाँ बैंकिङ्ग प्रणालीमा पठाउने

Apr 11, 2019 Merolagani

नेपाल राष्ट्र बैंकले चैत्र २८ गते बिहीबार १५ अर्ब रुपैयाँ बैंकिङ्ग प्रणालीमा पठाउने भएको छ। राष्ट्र बैंकले तेस्रो त्रैमासिक अन्त्यमा बैंकिङ प्रणालीबाट ठूलो रकम बाहिरिने भएकाले तरलता असहज नहोस भनेर एकै पटक १५ अर्ब रुपैयाँको रिपो जारी गरेको हो।

चैत मसान्तमा बैंकिङ प्रणालीबाट कर तथा राजश्व बुझाउन ठूलो रकम सरकारी खातामा जाने भएपछि केन्द्रीय बैंकले एक हप्ता अवधिको रिपो जारी गरेको हो। रिपोका लागि ५ प्रतिशतभन्दा माथि ब्याज तय गरिएको छ। रिपो बैशाख ५ गते परिपक्व हुने छ ।

सरकारले करको दोस्रो किस्ता चैतमा संकलन गर्छ। कर भुक्तानीका कारण बैंकिङ्ग प्रणालीमा तरलताको समस्या नदेखियोस भनेर रकम पठाउन लागेको राष्ट्र बैंकले जनाएको छ। हाल वित्तीय प्रणालीमा ३० अर्ब बढीको तरलता रहेको राष्ट्र बैंकको भनाई छ। 

यता तेस्रो त्रैमासिक प्रतिवेदनमा कर्जा निक्षेप अनुपात तोकिएको सीमाभित्र राख्न बैंकहरुबीच अन्तर बैंक कारोबार बढेको र जसलाई सीमामा ल्याउन पनि रिपो जारी गरेको हो । अहिले बैंकहरुले झण्डै ६ प्रतिशतको हाराहारीमा अन्तर बैंक कारोबार गरिरहेका छन्।

राष्ट्र बैंकले बजारमा पैसा अभाव हुँदा रिपो मार्फत बजारमा पैसा पठाउने र बढी भएमा रिभर्स रिपो मार्फत बैंकिङ्ग प्रणालीबाट रकम खिच्ने गर्छ।

comments powered by Disqus

बजारमा उछाल आउँदा आईपिओकै मूल्यमा शेयर, ६८ कम्पनीको २०० भन्दा तल

Apr 24, 2019

पछिल्ला दिनहरुमा शेयर बजार परिसुचक नेप्सेमा उछाल आइरहेको छ । निरन्तर बढेर सोमबार सामान्य करेक्सन देखिएको बजार त्यस पछिका दिनमा पनि बढिरहेको छ । बजार निरन्तर बढ्दै गर्दा ६८ कम्पनीहरुको शेयर मूल्य २०० रुपैंयाभन्दा तल छ । ...