महालेखाले शुक्रबार सार्वजनिक गरेको ५६ औं बार्षिक प्रतिवेदनमा प्रतिफल वितरण नगर्ने संस्थाहरुको सञ्चालन ब्यवस्थापनमा दक्षता ल्याउन सरकारलाई सुझाएको छ ।
महालेखाको प्रतिवेदन अनुसार सरकारले गतबर्षसम्म १०८ संस्थामा दुई खर्ब २६ अर्ब ७८ करोड शेयर लगानी गरेको देखिन्छ ।
सरकारको शेयर लगानी रहेका ती संस्थाहरु मध्येबाट ९७ संस्थाले यो बर्ष कुनै प्रतिफल दिन सकेनन् । यी ९७ संस्थामा सरकारको एक खर्ब ५१ अर्ब ८६ करोड रुपैयाँ बराबरको लगानी रहेको छ ।
सरकारको शेयर लगानी रहेका १३ वटा कम्पनीले भने लगानीको प्रतिफल दिएका छन् । सरकारले यी संस्थाबाट यो बर्ष १७ अर्ब ४२ करोड ९० लाख रुपैयाँ प्रतिफल प्राप्त गरेको महालेखाको प्रतिवेदनमा उल्लेख छ ।
प्रतिवेदन अनुसार नागरिक लगानी कोषबाट १ करोड ५७ लाख रुपैयाँको बोनस शेयर तथा नेपाल टेलिकम, नेपाल राष्ट्र बैङ्क, नेपाल नागरिक उड्डयन प्राधिकरण लगायतबाट उक्त प्रतिफल पाएको हो ।
प्रतिफल वितरण नगर्ने संस्थाहरुको सञ्चालन ब्यवस्थापनमा दक्षता ल्याउनु पर्नेमा माहालेखाले जोडदिएको छ ।
