तीन सय प्रतिशत हकप्रदको लागि एभरेष्ट इन्स्योरेन्सले तोक्यो बुक क्लोज

Apr 15, 2019 Merolagani

एभरेष्ट इन्स्योरेन्स (EIC) ले ३०० प्रतिशत हकप्रद शेयर निष्काशन गर्नका लागि बुकक्लोज तोकेको छ। इन्स्योरेन्सले वैशाख ९ गते एक दिन बुकक्लोज गर्ने भएको छ। वैशाख ८ गतेसम्म कायम शेयरधनीले मात्रै एभरेष्ट इन्स्योरेन्सको हकप्रदमा आबेदन गर्न पाउने छन्।

इन्स्योरेन्सको ३०० प्रतिशत हकप्रद शेयरलाई नेपाल धितोपत्र बोर्डले चैत २८ गते बिहिबार मात्रै स्वीकृति दिएको हो ।

इन्स्योरेन्सले बैशाख १० गते वार्षिक साधारण सभा समेत बोलाएको छ।

सर्वसाधारण र संस्थापकको अनुपात मिलाउन यस अघि १०५ प्रतिशत संस्थापक हकप्रद निष्काशन गरेको एभरेष्टले ३०० प्रतिशत हकप्रद निष्काशन गर्न लागेको हो। यो सँगै एभरेष्टको चुक्ता पूँजी बीमा समितिले तोके अनुरुप १ अर्ब रुपैयाँ नाघ्नेछ।

हाल २७ करोड ३९ लाख ८२ हजार ५०० रुपैयाँ चुक्ता पूँजी रहेको इन्स्योरेन्सले ८२ करोड १९ लाख ४७ हजार बराबरको हकप्रद निष्काशन पछि चुक्ता पूँजी १ अर्ब ९ करोड ५९ लाख ३० हजार रुपैयाँ पुग्नेछ ।

comments powered by Disqus

लुम्बिनी विकास बैंकको खुद नाफामा आकर्षक बढोत्तरी

Apr 24, 2019

- प्रतिशेयर आम्दानीमा करिब १० रुपैयाँको सुधार।
लुम्बिनी विकास बैंक (LBBL) ले व्यवसाय विस्तारलाई तिब्रता दिँदा खुद नाफामा उच्च बढोत्तरी भएको वित्तीय विवरण सार्वजनिक गरेको छ। बैंकले बुधबार सार्वजनिक गरेको वित्तीय विवरणमा गत आवको तेस्रो त्रैमासको तुलनामा ८६.२६ प्रतिशतले खुद नाफा बढेको हो।