ज्योति विकास बैंकलेले नुवाकोटमा केन्द्रिय कार्यालय रहेको हाम्रो विकास बैंकलाई १:१ को स्वाप रेसियोमा प्राप्ति (एक्वायर) गर्ने प्रयोजनका लागि गत असार ३२ गतेदेखि हाम्रो विकास बैंकको शेयर कारोबार रोकिएको थियो ।
गाभ्ने सम्झौता भएको करिब ८ महिना पछि चैत १५ गते देखि ज्योति विकास बैंकले हाम्रो विकास बैंकलाई गाभेर एकिकृत कारोबार गरेको थियो।
हाम्रो विकास बैंकको नाममा रहेको ५० लाख ४० हजार ५३४ कित्ता शेयर ज्योति विकास बैंकको नाममा थप अभिलेख गरिएको छ। उक्त शेयर ज्योति विकास बैंकको स्टक कोड (JBBL)मा रहने गरी बैशाख ४ गते सूचीकरण गरिएको छ ।
हाम्रो विकास बैंकलाई प्राप्ति गरेसँगै ज्योति विकास बैंक चुक्ता पूँजीको हिसाबले देशकै सबैभन्दा ठूलो विकास बैंक बनेको छ । बैंकको चुक्ता पूँजी ३ अर्ब १० करोड रूपैयाँ पुगेको हो ।