तर यदि बाहिरी विक्रेताले आफ्नो उत्पादन बेच्न चाहेमा उनीहरुले अमेजनको ग्लोबल सेलिङको सर्भिस लिन सक्ने बताएको छ ।
ब्लूमबर्गको रिपोर्टका अनुसार, अमेजनले चीनमा अमेजनको वेब सेवा, किन्डल ई–बुक्स र क्रस बोर्डर टीम्स जस्ता सेवाहरु भने जारी राख्नेछ । अमेजनका प्रवक्ताका अनुसार, कम्पनीले क्रस बोर्डर सेल्समाथि जोड दिइरहेको छ ।
चीनको ई–कमशर्श मार्केटमा अमेजनले खास स्थान बनाउन सकेको छैन । उसले चीनमा अलीबाबा र जेडी डटकम सँग प्रतिस्पर्धा गरिरहनुपरेको छ । ती दुई कम्पनीको आधार चीनमा नै भएका कारण उनीहरुले त्यहाँको स्थानीय बजारमा आफ्नो पकड कायम नै राखेका छन् ।
अमेजनले सन् २००४ मा चीनको अनलाइन बुक विक्रेता जोयोलाई अधिग्रहण गरेर त्यहाँको खुद्रा व्यापारमा प्रवेश गरेको थियो । तर खासै सफलता प्राप्त गर्न सकेन । सन् २०१८ को चौथो त्रैमासमा चीनको बिजनेस टू कन्ज्यूमर अनलाइन रिटेल मार्केटमा अमेजनको शेयर केबल ०.६ प्रतिशत मात्र थियो । एजेन्सी