अघिल्लो वर्ष साझा विकास बैंक र युनियन फाइनान्स देवः विकास बैंकमा विलय भएका थिए । सोही कारण आयकर ऐनमा भएको व्यवस्था अनुसार बैंकले लाभांश वितरण गर्दा छुट पाएको हो ।
बैंकका अनुसार साझा र युनियनसँग एकीकृत कारोबार सुरु भएको मितिसम्म कायम शेयरधनीले भने बोनस 
शेयरमा कर तिर्नु पर्नेछैन । तर सो मितिभन्दा पछि कारोबारमा आएका शेयरको हकमा भने कर लाग्ने बैंकका कम्पनी सचिव सागर ताम्राकारले मेरोलगानीलाई बताए ।
ताम्राकारका अनुसार २०७४ कात्तिक २२ गते बैंकको एकीकृत कारोबार सुरु भएको थियो। 'उक्त मितिभन्दा पहिलेदेखि कायम भएका शेयरधनीले बोनसको कर तिर्नुपर्ने छैन । तर सोही शेयरधनीले २०७४ कात्तिक २४ पछि बैंकको शेयर किनेको खण्डमा भने पछि किनिएको शेयरमा कर लाग्छ। आयकर ऐनमा भएको व्यवस्था अनुसार यो व्यवस्था गरिएको हो ।' ताम्राकारले भने ।
बैंकको बिहीबार साँझ बसेको सञ्चालक समितिको बैठकले शेयरधनीलाई ५.५ प्रतिशत बोनस बितरण गर्ने प्रस्ताव गरेको थियो । चुक्ता पूँजी २ अर्ब ५३ करोड ३६ लाख रुपैयाँ रहेको बैंकको बोनस बितरण पश्चात चुक्ता पूँजी २ अर्ब ६८ करोड रुपैंया पुग्नेछ।
