सरकारले चालु आर्थिक वर्षको नीति तथा कार्यक्रममा हरेक नेपालीको बैंक खाता पुर्याउने कार्यक्रम समेटेको थियो । सोही नीति बमोजिम सरकारले नयाँ वर्षको अवसर पारेर २०७६ साललाई खोलौं बैक खाता अभियान २०७६ को रुपमा अगाडि बढाएको हो ।
यस अभियान अन्र्तगत अहिले सम्म कुनैपनि बैंक तथा वित्तीय संस्थामा खाता नभएकोहरुलाई समेटिने छ । खाता खोल्दा सरकारले प्रमाणित गरेको कुनै एउटा मात्रै प्रमाणपत्र भए खाता खोल्न सकिनेछ ।
यस्तै राष्ट्र बैंकले सर्वसाधारणहरुलाइे प्रेरित गर्न बैंकको सामाजिक उत्तदायित्व अन्र्तगत जम्मा भएको रकमबाट हरेक खातामा एक सय रुपैयाँ जम्मा गर्न निर्देशन दिएको छ । यो रकम कुनै पनि बैंक तथा वित्तीय संस्थामा यस अघि खाता नखोल्नेहरुलाई मात्रै जम्म गरिने राष्ट्र बैंकले जनाएको छ ।
यस्तै विकास बैंहरुले पनि उक्त अभियानमा साथ दिन थालेको छ । केही विकास बैंकहरुले यस अभियान अन्र्तगत आफ्ना बचत खाताहरु सार्वजनिक गरेका छन् ।
बैंकहरुले सार्वजनिक गरेको योजनाहरु यस्ता छन् ।
राष्ट्रिय वाणिज्य बैंकको ‘समृद्धि बचत खाता’
राष्ट्रिय वाणिज्य बैंकले खोलौं बैंक खाता अभियान अन्र्तगत समृद्धि बचत खाता संचालनमा ल्याएको छ । यस खातामा वार्षिक अधिकतम एक लाख रुपैयाँ सम्म कारोबार गर्न सकिने गरी बैंकले आर्कषक व्याजदर दिने जनाएको छ ।
एनआइसी एशिया बैंक ‘समृद्ध नेपाल सुखी नेपाली बचत खाता’
एनआइसी एशिया बैंकले सरकारको अभियान अन्र्तगत ‘समृद्ध नेपाल सुखी नेपाली बचत खाता’ संचालनमा ल्याएको छ ।
बैंकले सरकारको खोलौं बैंक खाता अभियान अन्तर्गत बचत खाता ल्याएको हो । यस सुविधा बैंकको सबै शाखा कार्यलयहरुबाट प्राप्त गर्न सकिनेछ ।
प्रभु बैंकको ‘चेतना बचत खाता’
नेपाल सरकारले नयाँ वर्षको सुरुवातसंगै संचालन गरेको ‘समृद्धिसँग नाता, हरेक नेपालीको बैंक खाता’ अन्र्तगत प्रभु बैंकले ‘चेतना बचत खाता’ संचालनमा ल्याएको छ ।
यस खातामा वार्षिक ५ प्रतिशत सम्म व्याज पाउनेछ यस्तै भिजाकार्ड तथा एसएमएस सेवामा ५० प्रतिशत सम्म छुट दिने बैंकले जनाएको छ । यस खातामा एक लाख रुपैयाँ सम्मको मात्रै कारोबार गर्न सकिन्छ ।
मेगा बैंकको ‘मेगा नागरिक समृद्धि बचत खाता’
मेगा बेंकले ‘मेगा नागरिक समृद्धि बचत खाता’ संचालनमा ल्याएको छ । यस योजना अन्र्तगत वार्षिक ६.५ प्रतिशत व्याज पाउने र त्रैमासिक रुपमा व्याज भुक्तानी गरिने बैंकले जनाएको छ ।
यस्तै निशुल्क भिजा कार्ड, निशुल्क एबीबीएस सुविधा (२० लाख रुपैयाँ) सम्म, निशुल्क मोवाइल बैकिङ्ग सेवा सहित अन्य सुविधाहरु समेटिएको बैंकले जनाएको छ ।
जनता बैंकको ‘सबै नेपालीको खाता’
जनता बैंकले ‘सबै नेपालीको खाता’ संचालनमा ल्याएको छ । यस योजनामा शुन्य मौज्दातमा खाता खोल्न सकिनेछ । यस योजना अनर्तगतको खातामा वार्षिक ६.५ प्रतिशत दिने बैंकले जनाएको छ ।
नेपाल बंगलादेश बैंकको ‘रजत बचत खाता’
‘रजतमा नै छ, बीमा र बचत’ भन्ने नारा सहित नेपाल बंगलादेश बैंकले ‘रजत बचत खाता’ संचालनमा ल्याएको छ । बैंकको यस योजनामा २५ रुपैयाँमा खाता खोलन सकिने र एक सय रुपैयाँ बैंकले नै खातामा जम्मा गर्ने व्यवस्था छ ।
बचतकर्ता र इच्छाएको व्यक्तिलाई स्वास्थ्य बीमा समेत प्राप्त गर्न सकिनेछ । स्वास्थ्य बीमा अन्र्तगत नेपालभरका अस्पतालहरुबाट सेवा लिन सकिने बैंकले जनाएको छ ।
नविल बैंकको ‘नविल सहुलियत खाता’
खोलौ बैंक खाता अभियानलाई सफल पार्न नविल बैंकले ‘नविल सहुलियत खाता’ संचालनमा ल्याएको छ ।
यस योजनामा ३ लााख सम्मको निशुल्क घातक रोग कभरेज बीमा र ७५ हजार सम्मको मृत्यु लाभ बीमा सुविधा रहेको छ । बैंकले आर्कर्षक व्याजदर सहित तोकिएको सेवाहरु निशुल्क प्रदान गर्ने जनाएको छ ।
सिटिजन्स बैंकको ‘सिटिजन्स सरल बचत खाता’
सिटिजन्स बैंकले ‘सिटिजन्स सरलबचत खाता’ संचालनमा ल्याएको छ । यस खातामा दैनिक मौज्दातमा वार्षिक ५ प्रतिशत ब्याजदर प्रदान गरिने र ग्राहकहरुका लागि विभिन्न प्रकारका सहुलियतहरू उपलब्ध गराउने जनाएको छ ।
यस्तै भिसा डेबिट कार्ड, अन्तर शाखा कारोबार, आस्वा सेवा, निःशुल्क सिटिजन्स स्र्माट बैंकिङ सुविधा (मोबाईल बैंकिंग), अनलाइन कारोवार गर्न सुरक्षित थ्रीडी सेक्युर प्रविधिमा दर्ता, लगायत अन्य सेवाहरू उपलब्ध छन् ।
एनएमबि बैंकको ‘सहारा बचत खाता’
एनएमबि बैंकले सबैका लागि बचत, सबैका लागि सहारा भन्ने नारा सहित ‘सहारा बचत खाता’ सञ्चालनमा ल्याएको छ । बैंकमा खाता खोल्नेले १८ वटा गम्भिर रोगहरु मध्ये कुनै एउटा रोग लागेको खण्डमा १० लाख रुपैयाँ सम्मको बीमा रकम पाउनेछ ।
यस्तै खाता खोल्नेले सर्वाधिक व्याजदरका साथै निशुल्क डिम्याट खाता, निशुल्क मोबाइल बैंकिङ, निशुल्क इन्टरनेट बैंकिङ लगायतका सुविधा पाउने बैकले जनाएको छ ।
सेञ्चुरी कमर्सियल बैंकको ‘सेञ्चुरी सबैको खाता’
सेञ्चुरी बैंकले शुन्य मौज्दातमा खोल्न सकिने ‘सेञ्चुरी सबैको खाता’ सञ्चालनमा ल्याएको छ २५० रुपैयाँ तिरेर ५ वर्षको लागि डेविट कार्ड तथा पहिलो बैंक खाता खोल्नले वार्षिक ६.५ प्रतिशत व्याजदर पाउन सक्ने छन् ।
सिद्धार्थ बैंकको ‘सिद्धार्थ सजिलो बचत खाता’
सिद्धार्थ बैंकले ‘सिद्धार्थ सजिलो बचत खाता’ संचालनमा ल्याएको छ । यसका अतिरिक यस खाता खोल्ने ग्राहकले ६.५ वार्षिक ब्याजदर, शून्य मौज्दातमा खाता खोल्न सकिने, निशुल्क चेकबुक र एबीबीएस सुविधा पाउनेछन् ।
माछापुच्छ्रे बैंकको ‘एक व्यक्ति एक खाता योजना’
माछापुच्छ्रे बैंकले ‘खोलौ बैंक खाता अभियान २०७६’ अन्तर्गत ‘एक व्यक्ति एक खाता योजना’ ल्याएको छ । नेपाल सरकारले जारी गरेको कुनै पनि फोटो सहितको परिचय पत्र देखाएर उक्त खाता खोल्न सकिने बैंकले जनाएको छ ।
५ प्रतिशत आकर्षक वार्षिक ब्याजदर पाउने यस खाता बैंकको देशभरका जुनसुकै शाखा वा ग्राहक सेवा केन्द्र मार्फत खोल्न सकिनेछ ।
एनसीसी बैंकको ‘एनसीसी नेपाली नागरिक बचत खाता’
नेपाल क्रेडिट एण्ड कमर्स बैंकले ‘एनसीसी नेपाली नागरिक बचत खाता’ सञ्चालनमा ल्याएको छ । नेपाल सरकारको ‘समृद्धिसँग जोडौ नाता ःसबै नेपालीको बैंक खाता’ भन्ने नारा सहित ‘खोलौ बैंक खाता अभियान २०७६’ लाई पूर्ण सफल बनाउनको लागि सो बैंकले उक्त अभियान सञ्चालनमा ल्याएको हो ।
ग्लोबल आइएमई बैंकको ‘सबै नेपालीको बचत खाता’
ग्लोबल आइएमई बैंकले ‘सबै नेपालीको बचत खाता’ संचालनमा आएको छ । ‘समृद्धसँग जोडौं नाता, सबै नेपालीको बैंक खाता’ अभियान अन्र्तगत ‘सबै नेपालीको बचत खाता’ शिर्षकको नयाँ बचत खाता सञ्चालनमा ल्याएको हो ।
सरकारी निकायले जारी गरेको फोटो सहितको परिचय खुल्ने कागजातको आधारमा ग्राहकले खाता खोल्न सकिने बैंकले जनाएको छ ।
सनराइज बैंकको ‘सनराइज समृद्धि बचत खाता’
सनराइज बैंकले खोलौ बैंक खाता अभियान, २०७६ लाई आत्मसाथ गर्दै ‘सनराइज समृद्धि बचत खाता’ सञ्चालनमाा ल्याएको छ । यस योजनामा बैंकले ६ प्रतिशत ब्याजदर त्रैमासिक रुपमा भुक्तानी गर्ने जनाएको छ ।
यस्तै बचतकर्ताहरुको स्वास्थ्य बीमा, दुर्घटना बीमा लगायतको सुविधा समेटिएको छ ।
खोलौं बैंक खाता अभियानमा विकास बैंकको पनि साथ
नेपाल सरकारले सुरु गरेको ‘समृद्धिसँग जोडौं नाता, हरेक नेपालीको बैंक खाता’ खोलौ बैंक खाता अभियान २०७६ अभियानमा विकास बैकले पनि साथ दिएको छ । केही विकास बैंकहरुले सरकारको यस योजना अन्र्तगत बचत खाताको योजनहरु सार्वजनिक गरेको छ ।
ज्योति विकास बैंकले ‘ज्योति समृद्धि बचत खाता’ संचालनमा ल्याएको छ । नेपाल राष्ट्र बैंकको ‘समृद्धिसंग जोडौं नाता, सबै नेपालीको बैंक खाता’ नाराका साथ थालिएको खौलौं बैंक खाता अभियानलाई सहयोग पु¥याउने उद्देश्यले उक्त बचत खाता सञ्चालनमा ल्याएको हो ।
बैंकले वचत खातामा वार्षिक ७ प्रतिशत ब्याज दिने जनाएको छ । यस्तै विभिन्न आधुनिक बैंकिङ सेवा दिनेछ । यसका साथै एबिबिएस, सी आस्वा र इन्टरे बैंकिङ जस्ता सेवाहरु निःशुल्क प्रदान गर्नुको साथै लकर सुविधामा पनि विशेष छुट दिइएको छ ।
यस्तै कामना सेवा विकास बैंकले पनि ७ लाख सम्मको निः शुल्क बीमा सहितको खोलौ बैंक खाता अभियान बचत योजना सार्वजानिक गरेको छ ।
महालक्ष्मी विकास बैंकले सबै नेपालीको बैंकमा खाता अभियान अन्र्तगत मेरो बचत खाता संचालनमा ल्याएको छ ।
मुक्तिनाथ विकास बैंकले पनि ‘मेरो पहिलो बचत खाता’ सञ्चालनमा ल्याएको छ । बचत खाता खोल्ने व्यक्तिहरुलाई खाता एक सय रुपैयाँ बैंकले नै खातामा जम्मा गरिदिने र ग्राहकहरुको मोवाइल नम्बरमा एक सय रुपैयाँ बराबरको रिचार्ज टपअप गरिदिने जनाएको छ ।
यस्तै खातामा दैनिक मौज्दातमा वार्षिक ७ प्रतिशत ब्याजदरका साथै निःशुल्क आश्वा सेवा, निःशुल्क अन्तर शाखा कारोबार, निःशुल्क मोबाइल बैकिंङ सुविधा पाउनेछ ।