आइतबार कारोबारमा आएकामध्ये ४६ कम्पनीका शेयरधनीहरुले गुमाएका छन् । यसदिन १७१ कम्पनीको शेयर किनबेच भएको थियो ।
तेस्रो त्रैमासको वित्तीय विवरण सार्वजनिक गरेको सिटिजन्स बैंकको शेयर मूल्य भने ओरालो लागेको छ ।
आइतबार सबैभन्दा धेरै बेष्ट फाइनान्सका शेयरधनीहरुले ४.१६ प्रतिशतले गुमाएका छन् । नेपाल सेवा लघुवित्तको शेयर मूल्य पनि ४.०४ प्रतिशतले ओरालो लागेको छ ।
महिला सहयात्रा माइक्रोफाइनान्स, नविल इक्वीटि फण्डको इकाईमूल्य ३ प्रतिशत र नेपाल हाइड्रो, सिद्धार्थ इन्स्योरेन्स, हिमालयन डिटिलरीको शेयर मूल्य २ प्रतिशत भन्दा बढीले घटेको छ ।
जनउत्थान सामुदायिक लघुवित्त, सगरमाथा इन्स्योरेन्स, युनाईटेड मोदी हाइड्रोपावर, ग्रामिण विकास लघुवित्त, सिटिजनस् बैंक लगायतको शेयर मूल्य १ प्रतिशत भन्दा बढीले ओरालो लागेको छ ।