गत वर्षको तेस्रो त्रैमासमा लघुवित्तले एक करोड १४ लाख रुपैयाँ मात्र खुद नाफा आर्जन गरेको थियो । लघुवित्तको खुद ब्याज आम्दानी र अन्य संचालन आम्दानीमा बढोत्तरी हुँदा नाफा बढेको हो ।
यस त्रैमासमा लघुवित्तको प्रतिशेयर आम्दानी पनि उल्लेख्य रुपमा बढेको देखिन्छ।
लघुवितको प्रतिशेयर आम्दानी ४९ रुपैयाँ २८ पैसा कायम भएको छ । यो गत वर्षको तुलनामा २०९.३१ प्रतिशतले वृद्धि भएको हो । गतबर्ष लघुवित्तको प्रतिशेयर आम्दानी १५ रुपैयाँ ९३ पैसा थियो ।
आर्थिक बर्ष २०७४/०७५ को मुनाफाबाट १५ प्रतिशत बोनस वितरण गरी चुक्ता पूँजी ९ करोड ६० लाख रुपैयाँबाट ११ करोड ४ लाख रुपैयाँ पुर्याएको लघुवित्तको जगेडा कोषमा ५ करोड ५९ लाख रुपैयाँ सञ्चित छ ।
समीक्षा अवधिसम्ममा ७१ करोड २९ लाख रुपैयाँ निक्षेप संकलन गरेको लघुवित्तले दुई अर्ब २६ करोड ९७ लाख रुपैयाँ अन्य बैंक तथा वित्तीय संस्थाबाट ऋण लिएर दुई अर्ब ८२ करोड ८२ लाख रुपैयाँ कर्जा परिचालन गरेको छ ।
चालु आर्थिक वर्षको तेस्रो त्रैमासमा लघुवित्तले ९ करोड ५० लाख रुपैयाँ खुद ब्याज आम्दानी गरेको छ । यो गत वर्षको यसै अबधिको तुलनामा १३९.१६ प्रतिशत अर्थात ५ करोड ५२ लाख रुपैयाँ धेरै हो । गत वर्ष यसै अबधिमा लघुवित्तले तीन करोड ९७ लाख रुपैयाँ खुद ब्याज आम्दानी गरेको थियो ।
लघुवित्तमा निष्कृय कर्जा अनुपात ०.४७ प्रतिशत छ । लघुवित्तको प्रतिशेयर नेटवर्थ १५० रुपैयाँ ६८ पैसा छ भने मूल्य आम्दानी २०.५४ गुणा बढी छ ।
