नेप्सेका अनुसार एभरेष्ट इन्स्योरेन्स (EIC) को ३०० प्रतिशत हकप्रद पश्चात प्रतिकित्ता ३२२ रुपैयाँ ५० पैसामा शेयरमूल्य समायोजन गरिएको छ।
नेप्सेमा १८० दिन कारोबार भएको शेयरमूल्यका आधारमा इन्स्योरेन्सको औसत आधारमूल्य ८३७ रुपैयाँ ६६ पैसा निर्धारण भएको छ ।
यसैगरि सोमबार नै नाडेप लघुवित्त (NADEP) को १५ प्रतिशत बोनसपछि शेयरमूल्य समायोजन भएको छ । गत आर्थिक वर्षको मुनाफाबाट प्रस्ताव गरेको १५ प्रतिशत बोनस पश्चात नाडेपको प्रतिकित्ता ५३२ रुपैयाँ १७ पैसामा शेयरमूल्य समायोजन भएको छ ।
नेप्सेमा १८० दिन कारोबार भएको शेयरमूल्यका आधारमा लघुवित्तको औसत आधारमूल्य ४७२ रुपैयाँ ६४ पैसा निर्धारण गरिएको छ ।
दुबै कम्पनीको सोमबार समायोजित शेयरमूल्यलाई आधार मानेर कारोबार खुला भएको छ । समायोजन पश्चात नाडेपको शेयरमूल्य बढेको छ भने इन्स्योरेन्सको कारोबार भएको छैन। यद्यपी समायोजि मूल्यभन्दा माथिल्लो दरमा किन्न अर्डरमार्केट डेप्थमा देखिन्छ ।