माइक्रोफाइनान्सको बैशाख ८ गते बसेकोे सञ्चालक समितिको १३३ औं बैठकले केन्द्रीय कार्यालय बनेपामा बैशाख २६ गते दिउँसो १ बजे विशेष साधारण सभा डाकेको हो।
यसअघि हकप्रद निष्काशन गरेर पूँजी वृद्धि गर्ने तयारीमा रहेको लघुवित्तले राष्ट्र बैंकले लघुवित्त कम्पनीहरुलाई हकप्रद निष्काशनमा बन्देज लगाउँदै मर्जर तथा प्राप्तीमा जोड दिने नीति अंगिकार गर्न थालेपछि आफ्नो रणनीति परिवर्तन गर्न लागेको हो ।
माइक्रोफाइनान्सले गत पुस २४ गते सम्पन्न चौथौ वार्षिक साधारण सभाबाट चुक्ता पूँजीको ७० प्रतिशत अर्थात ४ करोड २० लाख रुपैयाँ बराबरको हकप्रद निष्काशन गर्ने प्रस्ताव पारित गरेको थियो।
हकप्रद निष्काशन गर्न केन्द्रीय बैंकले रोक लगायपश्चात कम्पनीले मर्जर प्राप्तीको बाटो अंगालेको हो।
आरम्भ माइक्रोफाइनान्सको प्रमुख कार्यकारी अधिकृत पवन कुमार श्रेष्ठले साधारण सभाबाट पारित सबै एजेण्डा स्वीकृत गरेर ७० प्रतिशत हकप्रद निष्काशनको अनुमति नदिएपछि मर्जर प्राप्तीमा अगाडि बढाएको मेरोलगानीलाई बताए।
विशेष साधारण सभाले लघुवित्तको प्रबन्धपत्र तथा नियमावलीमा आवश्यक संसोधन गर्न सञ्चालक समितिलाई अख्तियारी दिने, लेखापरिक्षक नियुक्ति र पारिश्रमिक निर्धारणलगायत समग्र वित्तीय विवरणमाथि छलफल गरि पारित गर्नेछ।
विशेष साधारण सभा प्रयोजनको लागि माइक्रोफाइनान्सले बैशाख १८ गते देखि शेयरधनी दर्ता किताब बन्द गर्ने भएको हो। बैशाख १७ गतेसम्म कायम शेयरधनीले लघुवित्तको विशेष साधारण सभामा भाग लिन पाउनेछन्।
