लघुवित्त कम्पनीले सञ्चालक समितिको चैत १४ गते बसेको १२२ औं बैठकको निर्णय अनुसार ५० प्रतिशत हकप्रद निष्काशनका लागि चैत २९ गते बुकक्लोज गरिसकेको छ ।
जसअनुसार चैत २८ गतेसम्म कायम शेयरधनीले मात्र उक्त हकप्रदमा आवेदन दिन पाउनेछन् ।हकप्रदमा आवेदन दिने अन्तिम दिन जेठ ३० गते रहेको छ ।
हकप्रदमा एनआईबिएल एस क्यापिटल लाजिम्पाट तथा यसका शाखा कार्यालयहरु लालदरबार काठमाडौं , लगानखेल ललितपुर, पोखरा, वीरगञ्ज, बुटवल, विराटनगर तथा ग्रामिण विकास लघुवित्तको शााखा कार्यालयहरु विराटनगर, जनकपुर,बुटवल, नेपालगञ्ज र धनगढी शाखाबाट हकप्रदमा आवेदन दिन सक्नेछन्। यसैगरि मेरो शेयरबाट समेत हकप्रद भर्न सकिन्छ।
लघुवित्तको असोज ५ गते सम्पन्न विशेष साधारण सभाले चुक्ता पूँजी ६५ करोड ५० लाख रूपैयाँको ५० प्रतिशत अर्थात १ को अनुपात ०.५ प्रतिशतका दरले हकप्रद निष्काशन गर्ने प्रस्ताव पारित गरेको थियो ।
हकप्रद निष्काशन तथा बिक्री प्रबन्धक एनआईबिएल एस क्यापिटल रहेको छ । हाल ६५ करोड ५० लाख रुपैयाँ चुक्ता पूँजी रहेको ग्रामीणको ३२ करोड ७५ लाख रुपैयाँ हकप्रद बिक्री पश्चात ९८ करोड २५ लाख रुपैयाँ चुक्ता पूँजी पुग्नेछ ।
चालु आर्थिक वर्षको दोस्रो त्रैमासमा कम्पनीले ११ करोड ३४ लाख ३३ हजार रुपैयाँ खुद नाफा कमाएर प्रतिशेयर आम्दानी ३४ रुपैयाँ ६४ पैसा कायम गरेको छ । लघुवित्त कम्पनीको चैत ९ गते प्रतिकित्ता शेयरमूल्य ३४६ रुपैयाँ रहेको छ ।
