एकै पटक ५ कम्पनीको साधारण शेयर निष्काशन भैरहेको छ। युनियन हाइड्रोले निष्काशन गरिरहेको साधारण बिक्री नभए पछि म्याद थपिएको थियो। नबिल व्यालेन्स फण्ड २ का इकाई पनि निष्काशन भैरहेको छ।
यसको पनि एक महिनाको अवधि थप गरिएको हो। त्यसै गरी नेपाल एग्रो लघुवित्तको पनि साधारण शेयर निष्काशन भैरहेको छ भने सान्जेन जलविद्युत, रसुवागढी जलविद्युत र गणपति माइक्रोफाइनान्सको पनि साधारण शेयर निष्काशन भैरहेको छ।
सिडिएससीका प्रवक्ता सुरेश न्यौपानेका अनुसार एकै पटक धेरै कम्पनीको शेयर निष्काशन भएका कारण म्यासिभ ट्राफिक आउँदा केही समस्या देखिएको हो। मेरोलगानीसँग कुरा गर्दै सिडिएससी प्रवक्ता न्यापानेले भने, म्यासिभ ट्राफिक आएका कारण केही असहजता देखिएको थियो। अहिले समस्या समाधान भैसकेको छ।
न्यौपानले यति भन्दै गर्दा पनि मेरो शेयरको सफ्ट्वेयरमा लगानीकर्ताले लगइन गर्न सकिरहेका छैनन्। जसका कारण कतिपय बैंकहरुमा शेयर आवेदन गर्नेहरुको भिड लागेको छ।
सिडिएससी प्रवक्ता न्यौपानेका अनुसार विगतमा एक पटकमा शेयर आवेदन हुने गरेकोमा अहिले भने केही पटकको प्रयासपछि मात्र आवेदन हुन्छ ।
लगानीकर्ताले सहज रुपमा शेयर निष्काशन गर्न नसकिरहेका बेला चौतर्फी रुपमा शेयर निष्काशनको अवधि थप गर्नुपर्ने आवाज उठ्न थालेको छ। एकै पटक ठुलो संख्यामा शेयर निष्काशन भएका कारण शेयर भर्न नपाएका लगानीकर्ताको माग भने पुरा नहुने भएको छ।
रसुवागढी र साञ्जेन जलविद्युतको साधारण शेयर भने मंगलबार साँझदेखि निष्काशन बन्द हुँदैछ ।
प्रणालीले काम गरिरहेको जनाउँदै सिडिएससीले कुनै पनि निष्काशनको समय थप हुने सम्भावना नरहेको प्रष्ट पारेको छ । उसले अहिले निष्काशन भैरहेका निष्काशनहरुमा मेरो शेयरबाट परेको शेयर आवेदनको तथ्यांक मेरोलगानीलाई उपलब्ध गराएको छ।
सिडिएससीले उपलब्ध गराएको तथ्यांक अनुसार साधारण शेयर निष्काशन गरेका ६ कम्पनी, एउटा डिबेञ्चर तथा २ कम्पनीको हकप्रदमा परेको आवेदन संख्याको तथ्यांक यस्तो छ । सिडिएससीका अनुसार उल्लेखित तथ्यांक सोमबार साँझसम्मको हो ।
