डा.खतिवडाका अनुसार सरकार आयातलाई प्रतिस्थापन गर्ने गरी नीति बनाउन लागेको छ । राजस्वको लक्ष्य पुरा गर्ने नाममा जथाभावी आयातलाई खुला गर्न नसकिने गरि सरकारले काम गरिहेको उनको भनाई छ ।
राजस्व लक्ष्य र संकलनमा अन्तर भएको स्वीकार गर्दै अर्थमन्त्री खतिवडाले जथाभावी आयात भने रोकिने जनाउ दिए । निर्यातको प्रर्बदन नगरी उच्च एक अंकको आर्थिक बृद्धिदर हासिल गर्न नसकिने भन्दै उच्च एक अंक र दोहोरो अंकको आर्थिक बृद्धिदरको लागि वस्तु र सेवाको निर्यात जग बलियो बनाउनु पर्ने उनको मत छ ।
नेपालको मात्रै उपभोगले आर्थिक बृद्धि हाँसिल नहुने भन्दै खतिवडा लगानीको वातवरण बनाउन स्वादेशी तथा विदेशी लगानीकर्ताको लागी लगानी मैत्री वातावरण बनाउन जरुरी रहेको बताए ।