त्यसैगरी दैनिक सक्रिय प्रयोगकर्ताहरुको संख्या ११ प्रतिशतले बढेर १३ करोड ४० लाख पुगेको छ ।ट्वीटरका अध्यक्षले अनलाइन दुरुपयोग रोक्ने तरिकामा सुधार गर्ने वाचा गरेसँगै यसका प्रयोकर्ताहरुको संख्यामा वृद्धि भएको बताइएको छ ।
ट्वीटरले अनुमान गरेभन्दा बढी आम्दानी भएको तथ्यांक सार्वजनिक गरेको हो । कम्पनीले मासिक प्रयोगकर्ता पनि अनुमानभन्दा बढेको बताएको छ ।
यसअघि विश्लेषकहरूले ट्वीटरको नाफा ७७ करोड ६१ लाख डलर पुग्ने अनुमान गरेका थिए ।
ट्वीटरका संस्थापक ज्याक डोर्सीले ट्वीटरको डिजाइनले आक्रोशलाई प्रोत्साहन गरेको भन्दै पछुतो महसुस भएको बताएका थिए । उनले गत हप्ता भएको एउटा व्यापार सम्मेलनमा साइटलाई अधिक क्रियाशील बनाउन र दुरुपयोग तथा गलत सूचना प्रवाहलाई रोक्नका लागि साइट सञ्चालनमा परिवर्तन गर्ने बताएका थिए ।
डोर्सीको उक्त घोषणासँगै ट्वीटरको शेयर मूल्यमा वृद्धि भएको बताइएको छ । योसँगै उसको बजार पूँजीकरणमा २ अर्ब ७० करोड डलर थपिएको छ । उसको समग्र बजार पूँजीकरण २९ अर्ब डलर पुगेको छ ।
कम्पनीले सार्वजनिक गरेको तथ्यांकमा सक्रिय मासिक प्रयोगकर्ता ३३ करोड पुगेका छन् । यो संख्या ३१ करोड ८० लाख पुग्ने अनुमान थियो ।
गत वर्ष ट्वीटरका मासिक प्रयोगकर्ताको संख्या ३३ करोड ६० लाखबाट घटेर ३२ करोड १० लाखमा झरेको थियो । ट्वीटरले अपमानजनक र नक्कली खाताको शुद्ध्ीकरणका कारण प्रयोगकर्ताहरुको संख्या घटेको बताएको थियो । एजेन्सी