मितेरीको नाफा बढ्दा सहयोगी विकास बैंकको घट्यो

Apr 26, 2019 Merolagani

शक्रबार दुई विकास बैंकहरु सहयोगी र मितेरी विकास बैंकले चालू आर्थिक वर्षको तेस्रो त्रैमासिक अवधिको अपरिस्कृत वित्तीय विवरण सार्वजनिक गरेका छन्। जसमा मितेरीको खुद नाफामा ७५ लाख १५ हजार रुपैयाँले सुधार भएको छ भने सहयोगी विकास बैंकको खुद नाफा भने ५९ लाख २९ हजार रुपैयाँले घटेको छ ।

मितेरी डभलपमेन्ट बैंकको नाफा ८ करोड ४ लाख

मितेरी डेभलपमेन्ट बैंक (MDB) ले चालु आर्थिक वर्षको तेस्रो त्रैमासमा ७५ लाख १५ हजार रुपैयाँले खुद नाफामा सुधार गरेको छ। गत आर्थिक वर्षको यहि अवधिमा ७ करोड २८ लाख रुपैयाँ खुद नाफा कमाएको बैंकले यस अवधिमा ८ करोड ४ लाख रुपैयाँ कमाएको हो।

यस अवधिमा बैंकले ४ अर्ब ३२ करोड ४ लाख रुपैयाँ निक्षेप संकलन गरी ३ अर्ब ७८ करोड १० लाख रुपैयाँ कर्जा परिचालन गरेको छ। यसवाट १६ करोड ६ लाख रुपैयाँ खुद ब्याज गरेको छ । बैंकले ४३ करोड २६ लाख रुपैयाँ व्याज आम्दानी गरी २७ करोड २० लाख रुपैयाँ व्याज बापत खर्च गरेको छ।

५८ करोड ५० लाख रुपैयाँख चुक्ता पूँजी रहको बैंकको जगेडा कोषमा १९ करोड २१ लाख रुपैयाँ सञ्चित छ ।

बैंकको खराब कर्जाको अनुपातमा वृद्धि भएको छ । गत आर्थिक वर्षको तेस्रो त्रैमाासमा ०.०९ प्रतिशत रहेको यो अनुपात ०.४८ प्रतिशत पुगेको हो ।

बैंकको प्रतिशेयर आम्दानी १८ रुपैयाँ ३३ पैसा, प्रतिशेयर नेटवर्थ १३२ रुपैयाँ ८४ पैसा र मूल्य आम्दानी अनुपात वार्षिक १३.२० गुणा बढी छ ।

सहयोगी विकास बैंकको खुद नाफा ५९ लाख रुपैयाँले घट्यो

यता सहयोगी विकास बैंक (SBBLJ) को खुद नाफा भने घटेको छ । गत आर्थिक वर्षको तेस्रो त्रैमासमा ७ करोड ६३ लाख खुद नाफा गरेको बैंकले चालु आर्थिक वर्षको तेस्रो त्रैमासमा ५९ लाख २९ हजार रुपैयाँले खुद नाफा घटेको हो। बैंकको चालु आर्थिक वर्षको तेस्रो त्रैमासमा ७ करोड ४ लाख रुपैयाँ खुद नाफा कमाएको छ।

यस अवधिमा बैंकले ४ अर्ब ३३ करोड ६१ लाख रुपैयाँ निक्षेप संकलन गरी ३ अर्ब ८५ करोड २ लाख रुपैयाँ कर्जा परिचालन गरेको छ । यसबाट १५ करोड ७ लाख रुपैयाँ खुद ब्याज गरेको छ । बैंकले ३८ करोड ७७ लाख रुपैयाँ व्याज आम्दानी गरी २३ करोड ७० लाख रुपैयाँ व्याज बापत खर्च गरेको छ ।

५० करोड ९६ लाख ६८ हजार रुपैयाँ चुक्ता पूँजी रहको बैंकको जगेडा कोषमा १९ करोड ८३ लाख रुपैयाँ सञ्चित छ ।

बैंकको खराब कर्जा अनुपातमामा बढेको छ । गत वर्ष १.३२ प्रतिशत रहेको यो अनुपात १.६९ प्रतिशतमा पुगेको हो। बैंकको प्रतिशेयर आम्दानी १६ रुपैयाँ ५८ पैसा, प्रतिशेयर नेटवर्थ १३८ रुपैयाँ ९३ पैसा र मूल्य आम्दानी अनुपात वार्षिक १०.२६ गुणा बढी छ।


comments powered by Disqus

नाडा अटाे साे भदाै १० देखि भृकुटी मण्डपमा हुने

Aug 18, 2019 06:41 PM

काठमाडौंको भृकुटीमण्डपमा नाडा अटो शो  हुने भएको छ । यहि भदौ १० गतेदेखि शुरू हुने अटो सोमा ९५ ब्राण्डका सवारी साधन र त्यसमा प्रयोग हुने सामाग्री रहने आयोजकले बताएको छ ।