मेरोलगानीसँग कुरा गर्दै सिद्धार्थ क्यापिटलका प्रमुख कार्यकारी अधिकृत ध्रुव तिम्सिनाले भने 'सबै ४० कित्ताभन्दा तलको संख्यामा शेयर माग गर्ने सबै आवेदकले मागे जति शेयर पाउने निश्चित भएको छ । त्योभन्दा बढी शेयर माग्नेहरु मध्ये २५ हजार ६ सय हाराहारीका आवेदकले गोलाप्रथाबाट थप शेयर पाउँछन्।'
तिम्सिनाका अनुसार दोहोरो आवेदन गर्ने तथा विविध कारणले आवेदन रद्ध हुनेहरुको संख्या उल्लेख्य छ। यस्ता आवेदनलाई शेयर बाँडफाँड प्रकृयामा सहभागि नगराइने सिद्धार्थ क्यापिटलले जनाएको छ ।
हाइड्रोको साधारण शेयरमा कुल ३ लाख ७ हजार वटा आवेदन परेको थियो। १० कित्ता शेयरका लागि आवेदन गर्नेहरुको संख्या धेरै भएका कारण उल्लेखित आवेदकहरुले ५० कित्तासम्म शेयर पाउने अवस्था बनेको हो।
९३ लाख ३९ हजार ४६७ कित्ता शेयर सर्वसाधारण्मा निष्काशन गरेको थियो । कूल १ करोड २ लाख ६३ हजार १५० कित्ता शेयर मध्ये कम्पनीका कर्मचारीलाई ४ लाख १० हजार ५२६, सामुहिक लगानी कोषलाई ५ लाख १३ हजार १५७ कित्ता शेयर छुट्याइएको थियो ।
रसुवागढी र साञ्जेनको साधारण शेयर बिहीबार उर्जा मन्त्रालयमा बाँडफाँड गर्ने बताइएको छ ।
