गत आर्थिक वर्षको नाफाबाट १७ प्रतिशत नगद लाभांश वितरण गरेको बैंकको चुक्ता पूँजी ६९ करोड २६ लाख ७३ हजार रुपैयाँमा स्थिर छ । पूँजी स्थिर बन्दा बैंकको प्रतिशेयर आम्दानीमा झिनो सुधार भएको छ । गत आर्थिक वर्षको तेस्रो त्रैमासमा १६ रुपैयाँ ४ पैसा रहेको बैंकको प्रतिशेयर आम्दानी १६ रुपैयाँ ५२ पैसा पुगेको छ।
चालु आर्थिक वर्षको तेस्रो त्रैमाससम्ममा बैंकले समीक्षा अवधिसम्ममा ६ अर्ब ४६ करोड ५६ लाख निक्षेप संकलन गरेको बैंकले ५ अर्ब ९८ करोड ६६ लाख रुपैयाँ कर्जा परिचलन गरेको छ । निक्षेप ४२.३१ र कर्जा विस्तार ४२.०३ प्रतिशतले वृद्धि गरेको हो ।
यसबाट बैंकले २७ करोड १८ लाख रुपैयाँ खुद ब्याज आम्दानी गरेको छ। गत आवको यसै अवधिमा बैंकले २३ करोड ४८ लाख रुपैयाँ ब्याज आम्दानी कमाएको थियो।
बैंकको जगेडा कोषमा २२ करोड २८ लाखबाट बढेर २५ करोड ९८ लाख रुपैयाँ सञ्चित हुन पुगेको छ। बैंकमा निष्कृय कर्जा १.०८ प्रतिशतको अनुपातमा रहेको छ । बैंकको प्रतिशेयर नेटवर्थ १३३ रुपैयाँ ६९ पैसा र मूल्य आम्दानी अनुपात १३.०२ गुणा बढी रहेको छ ।
