पुनर्बीमा कम्पनीले निर्जीवन व्यवसायबाट दुई अर्ब ७९ करोड २० लाख ३९ हजार रुपैंया बीमा शुल्क आर्जन गरेको छ भने जीवन बीमा व्यवसायबाट १९ करोड ८६ लाख ३९ हजार रुपैंया मात्र बीमा शुल्क आर्जन गरेको छ । यसले जीवन बीमाभन्दा निर्जीवन बीमाको व्यवसायिक आकार धेरै रहेको देखाएको छ ।
यस अवधिमा कम्पनीले ५५ करोड ७९ लाख ६० हजार रुपैयाँ खुद नाफा कमाएको छ । गत वर्षको यसै अवधिको तुलनामा कम्पनीले १ करोड ४३ लाख ४३ हजार रुपैयाँले खुद नाफा बढाएको हो । गत वर्षको यसै अवधिमा कम्पनीले ५४ करोड ३६ लाख १७ हजार रुपैयाँ खुद नाफा कमाएको थियो ।
निर्जीवन बीमा व्यवसायबाट ५० करोड १२ लाख रुपैयाँ र जीवन बीमा व्यवसायबाट ५ करोड ६७ लाख रुपैयाँ खुद नाफा कमाएको हो ।
८ अर्ब ४० करोड रुपैयाँ चुक्ता पूँजी रहेको कम्पनीको जगेडा कोषमा एक अर्ब ७७ करोड ३० लाख रुपैयाँ सञ्चित छ । कम्पनीको बीमा कोषमा एक अर्ब ११ करोड ३६ लाख रुपैयाँ सञ्चित छ ।
कम्पनीले पुनर्बीमा कमिशन शुल्क वापत ४ करोड ३५ लाख ९७ हजार रुपैयाँ आम्दानी गरेको छ भने ७४ करोड ८ लाख रुपैयाँ पुर्नबीमा कमिशनमा खर्च गरेको छ । कम्पनीको कमिशन आम्दानीका आधारमा कमिशन खर्चको आकार झण्डै १८ गूणाले बढी हो ।
कम्पनीले ५२ करोड ७ हजार रुपैयाँ खुद दाबी भुक्तानी गरेको छ । जसमा निर्जीवन व्यवसायका लागि ४५ करोड ९९ लाख ९२ हजार रुपैयाँ भुक्तान गर्दा जीवन व्यवसायमा जम्मा ६ करोड १५ हजार रुपैयाँ मात्र दाबी भुक्तानी भएको छ ।
कम्पनीले निर्जीवन बीमा दावी वापत २९ करोड ९२ लाख १६ हजार र जीवन बीमा दावी वापत ३ करोड ८७ लाख १९ हजार रुपैयाँ भुक्तानी गर्न बाँकी छ ।
