गुराँस लघुवित्तको आईपिओमा आवेदन गर्ने शुक्रबार अन्तिम, बीस गुणाले ओभरसब्सक्राइब

May 03, 2019 Merolagani

गुराँस लघुवित्त (GLBSL) ले निष्काशन गरेको साधारण शेयर आईपिओमा आवेदन गर्ने बैशाख २० गते शुक्रबार (आज) अन्तिम दिन रहेको छ। कम्पनीले बैशाख १६ गते सोमबार देखि सर्वसाधारणको लागि साधारण शेयर बिक्रीमा ल्याएको थियो।

लघुवित्तले प्रतिकित्ता एक सय रुपैयाँ अंकित दरमा २ लाख ३३ हजार ६२५ कित्ता शेयर आईपिओ निष्काशन गरेको हो । कूल निष्काशित २ लाख ५० हजार कित्ता सर्वसाधारण शेयर मध्ये ३ हजार ८७५ कित्ता कम्पनीका कर्मचारीका लागि र १२ हजार ५०० कित्ता सामुहिक लगानी कोषको लागि छुट्टाएर बाँकी रहेको २ लाख ३३ हजार ६२५ कित्ता शेयरमा सर्वसाधारणमा बिक्रीमा ल्याएको हो।

लघुवित्तको धितोपत्र निष्काशन तथा बिक्री प्रबन्धकमा एनआईबिएल एस क्यापिटल रहेको छ । लघुवित्तको आईपिओमा न्यूनतम १० कित्ता देखि अधिकतम ५०० कित्ता सम्म आबेदन गर्न सकिनेछ । लघुवित्तको आईपिओमा मेरो शेयर तथा सि आश्वा प्रणाली मार्फत शुक्रबार कार्यालय समयभित्र आवेदन गर्न सकिनेछ ।

लघुवित्तको जारी पूँजी ७ करोड ७५ लाख रुपैयाँ रहेको छ भने संस्थापक समूहबाट ५ करोड २५ लाख रुपैयाँ चुक्ता भैसकेको छ । लघुवित्त वित्तीय संस्थाको केन्द्रीय कार्यालय धनकुटामा रहेको छ । २२ वटा शाखा कार्यालय रहेको लघुवित्तले पूर्वका १० जिल्लालाई आफ्नो कार्यक्षेत्र बनाउँदै आएको छ ।

लघुवित्तको आईपिओलाई क्रेडिट रेटिङ्ग भने गराएको छैन । ३ करोड भन्दा कमको सार्वजाकि निष्काशन भएकोले क्रेडिट रेटिङ्ग गर्नुपर्ने बाध्यात्मक व्यवस्था नभएकोले क्रेडिट रेटिङ्ग नगराएको लघुवित्तले जनाएको छ ।

बीस गुणा बढी माग

बिक्री प्रबन्धक एनआईबिएल एस क्यापिटलका अनुसार लघुवित्तको आईपिओ १९.४७ गुणा अधिक शेयर माग भएको छ ।

लघुवित्तले सर्वसाधारणमा २ लाख ३३ हजार ६२५ कित्ता शेयर निष्काशन गरेकोमा ४५ लाख ४८ हजार कित्ता शेयर माग भएको हो । आईपिओमा दुई लाख ४२ हजार ६०० जनाले आवेदन गरेका छ ।

हाल ६९ लाख लाख कमाएको लघुवित्तको ३ वर्षमा ४ करोड नाफा कमाउने प्रक्षेपण

गुराँस लघुवित्त वित्तीय संस्था गत आर्थिक वर्ष २०७४/७५ मा ४६ लाख रुपैयाँ नोक्सानीमा रहेको थियो भने चालु आवको तेस्रो त्रैमाससम्म ६९ लाख रुपैयाँ खुद नाफा आर्जन गरेको छ ।उसले ३ वर्ष भित्र अर्थात आर्थिक वर्ष २०७७/७८ मा ३ करोड ९७ लाख रुपैयाँ नाफा कमाउने अनुमान गरेको छ । आर्थिक वर्ष २०७५/७६ मा ४८ लाख २० हजार, आर्थिक वर्ष २०७६।७७ मा २ करोड ३ लाख प्रक्षेपण गरिएको छ ।

तीन वर्ष भित्र प्रतिशेयर आम्दानी ३२ रुपैयाँ १० पैसा पुर्याउने लघुवित्तले अनुमान गरेको छ। गत आर्थिक वर्ष २०७४/७५ मा प्रतिशेयर आम्दानी ६ रुपैयाँ ७५ पैसा रहेको थियो। चालु आर्थिक वर्षको तेस्रो त्रैमासमा लघुवित्तको वार्षिक प्रतिशेयर आम्दानी १७ रुपैयाँ ५४ पैसा छ।

चुक्ता पूँजी ५ करोड २५ लाख रहेको लघुवित्तको जगेडा कोषमा ५२ लाख ३२ हजार सञ्चित छ।


comments powered by Disqus

हिमाल दोलखाको आईपीओ बाँडफाँड, निष्काशित सबै शेयर बिक्री नहुँदा चार प्रत्याभूतिकर्ताको थाप्लोमा

Aug 22, 2019 07:57 PM

हिमाल दोलखा हाइड्रोपावर (HIMAL) ले निष्काशन गरेको साधारण शेयर बिहीबार बिक्री प्रबन्धक ग्लोबल आईएमई क्यापिटलको कार्यालयमा बाँडफाँड भएको छ। आईपीओमा आवेदन गरेका सबै लगानीकर्ताले माग अनुसारको नै शेयर प्राप्त गरेका छन् भने निष्काशित सबै शेयर बिक्री नहुँदा चार प्रत्याभूतिकर्ताले बाँकी शेयर सकार्नुपर्ने अवस्था आएको छ ।