बैंकको खुद नाफामा सुधार आएसँगै प्रतिशेयर आम्दानीमा पनि ६ रुपैयाँ १९ पैसाले सुधार भएकोे छ । गत आवको तेस्रो त्रैमासमा २२ रुपैयाँ रहेको प्रतिशेयर आम्दानी २६ रुपैयाँ १९ पैसा पुगेको हो ।
बैंकको व्यवसायको आकारसँगै खुद ब्याज आम्दानी बढेसँगै पूँजीवृद्धिको बाबजुत बैंकको प्रतिशेयर आम्दानी सहित समग्र सूचाङ्कमा उत्साहप्रद सुधार देखिएको हो ।
यस अवधिमा बैंकले खुद ब्याज आम्दानी ४६.२६ प्रतिशतले बढेर एक अर्ब २९ करोड पुगेको छ । गत आवको ९ महिनामा बैंकल ८८ करोड २८ लाख खुद ब्याज आम्दानी गरेको थियो ।
बैंकको चुक्ता पूँजी ३ अर्ब ६ करोड ४७ लाखे छ भने जगेडा कोषमा ३४ प्रतिशतले सुधार गर्दै एक अर्ब ५ करोड सञ्चित गरेको छ । बैंकले ४१ अर्ब ८० करोड निक्षेप संकलन र एक अर्ब २२ करोड सापटीबाट ३६ अर्ब ४५ करोड कर्जा परिचालन गरेको छ । यस अवधिमा बैंकले निक्षेप ७० प्रतिशत र कर्जा लगानी ६५ प्रतिशतले बढाएको हो ।
बैंकको निष्क्रिय कर्जा अनुपात ०.०३ प्रतिशत पुगेको छ भने प्रतिशेयर नेटवर्थ १३४ रुपैयाँ ३३ पैसा तथा मूल्य आम्दानी अनुपात १३.६७ गुणा बढी छ ।
