गत वर्षको यसै अवधिमा लघुवित्तले २७ करोड ८४ लाख रुपैयाँ खुद नाफा आर्जन गरेको थियो । संचालन मुनाफा तथा खुद ब्याज आम्दानीमा बढोत्तरी हुदाँ लघुवित्तको खुद नाफा बढेको हो ।
लघुवित्तको नाफा बढेपनि पूँजी बढेको अनुपातमा कमाई गर्न नसक्दा प्रतिशेयर आम्दानी केही खस्केको छ । लघुवित्तको २५ प्रतिशतले चुक्तापूँजी बढेको छ । लघुवित्तको प्रतिशेयर आम्दानी ५८ रुपैयाँ ५९ पैसा छ । गतबर्षको यसै अवधिमा ५९ रुपैयाँ चार पैसा थियो ।
गतबर्षको यसै अवधिको तुलनामा १७ प्रतिशतले निक्षेप बढाएको लघुवित्तले झण्डै १६ प्रतिशतले कर्जा परिचालन बढाएको छ । चुक्ता पूँजी ७८ करोड ६० लाख रुपैयाँ रहेको लघुवित्तको जगेडा कोषमा एक अर्ब ५२ करोड रुपैयाँ सञ्चित छ ।
लघुवित्तको निष्कृय कर्जा ०.१५ प्रतिशत, प्रतिशेयर नेटवर्थ २९४ रुपैयाँ ५६ पैसा रहेको लघुवित्तको मूल्य आम्दानी अनुपात १५.५९ गुणाले बढी छ ।