प्रमुख अतिथी मेयर चौधरीले लघुवित्त कार्यक्रममा कर्जाको साथ साथै वित्तीय साक्षरता कार्र्यक्रमलाई पनि अगाडी बढानुपर्ने, कर्जाको दोहोरोपनामा विशेष ख्याल गर्नुपर्ने, कर्जालाई उत्पादनशील कार्यमा लगाउन ग्राहकहरुलाई सीपमूलक तथा क्षमता अभिवृद्धि तालिम सञ्चालन गर्नुपर्ने, लघुवित्तले गरिबी निवारणमा टेवा पु¥याउनुपर्ने तथा कार्यक्रम विस्तार गर्दा स्थानीय निकायसँग सहकार्य गरी अगाडि बढ्नुपर्ने बताए।
सञ्चालक समितिका अध्यक्ष लिम्बुले लक्ष्मी बैंकको सेवा सुविधाहरु लघुवित्तको शाखाहरुबाट प्रदान भैरहेको र त्यसलाई आगामी दिनमा थप प्रभावकारी बनाई ग्राहकहरुलाई क्रमशः आधुनिक प्रविधीको सेवा सुविधा प्रदान गर्ने काम भैरहेको बताए ।
उनले लघुवित्तको क्षेत्रमा छुट्टै पहिचान स्थापित गराउने किसिमबाट लक्ष्मी बैंकको समेत सोच रहेकोले संस्थालाई लक्ष्मी बैंकको तर्फबाट आर्थिक, प्राविधिक तथा व्यवस्थापकीय सहयोग प्रदान भइरहेको बताए।
समुदघाटन कार्यक्रममा बोल्दै प्रमुख कार्यकारी अधिकृत प्रकाश राज शर्माले संस्थाको कारोबारलाई थप प्रविधीमैत्री बनाउदै ब्यवसाय विस्तार, गुणस्तरीय सेवा, नियमनकारी निकायको नीति निर्देशनको अनुपालन एवम् ग्राहक सन्तुष्टीलाई ध्यान दिँदै भविष्यमा ग्राहकले रोजेको लघुवित्तको रुपमा संस्थालाई स्थापित गर्ने उल्लेख गरे।
लक्ष्मी लघुवित्त नेपाल राष्ट्र बैकबाट स्वीकृत प्राप्त राष्ट्रिय स्तरको लघुवित्त संस्था हो । संस्थाको अधिकृत पूँजी ४० करोड र चुक्ता पूँजी २४ करोड २० लाख रहेको छ । संस्थाले विपन्न वर्गका परिवारको जीवनस्तरमा सकारात्मक परिवर्तन ल्याउने उद्धेश्य लिएको छ ।
लघुवित्तले चैत्र मसान्त २०७५ सम्ममा ४९ वटा जिल्लामा शाखा सञ्जाल विस्तार गरि ग्रामीण, पीछडिएको, बैकिङ्ग पहुँचबाट टाढा रहेका ग्राहक वर्गहरुलाई लक्षित गर्दै ७६ हजार ग्राहक वर्गलाई लघुवित्त कार्यक्रममा समेटेको छ ।
संस्थाले आफ्नो सदस्यहरुबाट एक अर्ब १८ करोड निक्षेप संकलन गरेको छ भने ३ अर्ब ४३ करोड लगानीमा रहिरहेको कर्जा रहेको छ । संस्थाले बचत र कर्जा बाहेक लघुवीमा, विप्रेषण र लक्ष्मी बैंक संगको सहकार्यमा शाखा रहित बैँकिङ्ग एजेन्टको रुपमा कारोबार समेत संचालन गर्दै आइरहेको छ ।