एनएफआरएस प्रतिवेदन अनुसार बैंकले दुई अर्ब ३२ करोड ४४ लाख रुपैयाँ वितरण योग्य नाफा (फ्रि प्रोफिट) आर्जन गरेको छ ।
यस त्रैमासमा बैंकको जगेडाकोषमा सकुचन आएको छ । चालु आर्थिक वर्षको चैत मसान्तमा बैंकको जगेडा कोषमा ९ अर्ब ६ करोड ५७ लाख रुपैयाँ रुपैयाँ सञ्चित छ । गत वर्षको तुलनामा बैंकको जगेडा कोष २.३९ प्रतिशत अर्थात २२ करोड २४ लाख रुपैयाँले घटेको हो । गत वर्षको यसै अवधिमा बैकको जगेडा कोषमा ९ अर्ब २८ करोड ८२ लाख रुपैयाँ सञ्चित थियो ।
बैंकले निक्षेप संकलन र कर्जा परिचालनमा सामान्य सुधार गरेको छ । चालु आर्थिक वर्षको चैत्र मसान्तसम्ममा बैंकले एक खर्ब ५३ अर्ब ६९ करोड ५१ लाख रुपैयाँ निक्षेप संकलन गरेको छ भने एक खर्ब २८ अर्ब १९ करोड ७३ लाख रुपैयाँ कर्जा परिचालन गरेको छ । गत आर्थिक वर्षको यसै अवधिको तुलनामा बैंकको निक्षेप संकलन १४.१ प्रतिशतले बढेको छ भने कर्जा प्रवाह १७.५५ प्रतिशतले बढेको देखिन्छ ।
यस अवधिमा बैंकले ५ अर्ब ४१ करोड रुपैयाँ खुद ब्याज आम्दानी गरेको छ । गत आर्थिक वर्षको यसै अवधिको तुलनामा बैंकको खुद व्याज आम्दानी १८.३९ प्रतिशतले बढेको हो । गत आर्थिक वर्षको यसै अवधिमा बैंकले ४ अर्ब ५६ करोड ९७ लाख रुपैयाँ खुद ब्याज आम्दानी गरेको थियो ।
५ अर्ब ९६ करोडको कुल सञ्चालन मुनाफालाई बैंकले एक वर्षमा ७ अर्ब पुर्याएको छ । तर माथि उल्लेख गरेका आम्दानीका शिर्षकमा भन्दा खर्चका शिर्षकको आकारमा देखिएको अधिक बढोत्तरीले बैंकको खुद नाफा वृद्धिको गतिमा अवरोध देखाएको हो । कर्जा तथा अन्य नोक्सानी, व्यक्तिगत खर्च, अन्य सञ्चालन खर्च, लगायतमा आएको अधिक बढोत्तरीका कारण नबिल बैंकको खुद नाफा सुस्त बनेको हो । यसले गर्दा बैंकको प्रतिशेयर आम्दानीका साथै अन्य सूचकलाई कमजोर बनाएको छ ।
९ अर्ब १ करोड रुपैंया चुक्ता पूँजी रहेको बैंकको बैंकको प्रतिशेयर आम्दानी ४७ रुपैयाँ २१ पैसा छ । गत आर्थिक वर्षको यसै अवधिमा बैंकको चुक्ता पूँजी ८ अर्ब ४ करोड रुपैंया थियो भने प्रतिशेयर आम्दानी ५१ रुपैंया ७४ पैसा थियो ।
प्रतिशेयर नेटवर्थ २४२ रुपैयाँ ३८ पैसा रहेको बैंकको मूल्य आम्दानी आनुपात १५.५८ गुणाले बढी छ । बैंकको निष्कृय कर्जा अनुपात ०.६४ प्रतिशत छ ।
