अमेरिकाले चिनीयाँ सामानमा शुल्क बढाए कडा कदम उठाउने चीनको चेतावनी

May 10, 2019 Merolagani

ट्रम्पले चिनीयाँ सामानमा शुल्क बढाउने घोषणा गरेसँगै चीनले एक बयान जारी गरी अमेरिकालाई कडा चेतावनी दिएको छ । चीनको बाणिज्य मन्त्रालयले आफ्नो बयानमा भनेको छ, यदि अमेरिकाले शुल्क बढाउने घोषणालाई कार्यान्वयन गर्छ भने बेइजिङले पनि कठोर कदम चाल्ने छ ।

चीनले दुई देश बीचको व्यापार युद्धले चीन र अमेरिकालाई मात्र नभई विश्वभर नै असर परेको जानकारी भएको बताउँदै यदि ट्रम्पले शुल्क बढाएमा आफू पनि शान्त भएर नबस्ने चेतावनी दिएको छ ।

अमेरिका र चीनका बीच सन् २०१८ मार्च महिनादेखि सुरु भएको व्यापार युद्धले अझ उग्र रुप लिदैँ गइरहेको छ ।

आइतबार मात्र ट्रम्पले ट्वीट गरेर चीनबाट आयात हुने २०० अर्ब डलर बराबरको सामानमा शुल्क बढाएर १० प्रतिशतबाट २५ प्रतिशत पुर्याउने बताएका छन् । योसँगै चीन पनि उग्र बनेको छ ।

यद्यपी गन वर्ष नोभेम्बर महिनामा अमेरिकी राष्ट्रपति डोनाल्ड ट्रम्प र चीनका राष्ट्रपति शी–जिङपिंगले जी–२० सम्मेलनका क्रममा फेरी व्यापार वार्ता गर्ने र मे महिनासम्म कुनै पनि प्रकारको शुल्क नलगाउने कुरामा सहमति जनाएका थिए ।

उता ट्रम्पले भने चीनले नै अहिले जारी रहेको व्यापार वार्ता तोडेको आरोप लगाएका छन् । चीनले सम्झौता तोडेकाले नै आफूले आयात कर बढाउने निर्णय गरेको भन्दै उनले शुल्क वृद्धिको बचाउ गरेका छन् । एजेन्सी


comments powered by Disqus

जनता बैंकले प्रस्ताव गर्यो लाभांश

Sep 22, 2019 08:38 PM

जनता बैंक (JBNL) ले गत आर्थिक वर्ष २०७५/०७६ को मुनाफाबाट आफ्ना शेयरधनीलाई १२ प्रतिशत लाभांश घोषणा गरेको छ। बैंक सञ्चालक समितिको असोज ५ गते आइतबार साँझ सम्पन्न २९१ औं बैठकले शेयरधनीलाई ६ प्रतिशत बोनस शेयर र ६ प्रतिशत नगद गरि कूल १२ प्रतिशत लाभांश वितरण गर्ने प्रस्ताव गरेको हो।