लाजिम्पाट काठमाडौंमा र्याडिसन होटल सञ्चालन गरिरहेको यस कम्पनीले चालु आवको चैत मसान्तसम्म व्यवसाय तथा सेवाको बिक्री मार्फत ८७ करोड ६१ लाख रुपैयाँ आम्दानी गरेको छ । गत वर्षको यसै अवधिमा होटलले ८१ करोड २६ लाख रुपैयाँ आम्दानी गरको थियो ।
यस अवधिमा होटलले ३१ करोड २१ लाख रुपैयाँ होटल सञ्चालनबाट नाफा कमाएको छ। गत वर्ष होटलले २९ करोड ८२ लाख रुपैयाँ सञ्चालन नाफा मार्फत आर्जन गरेको थियो ।
चालु आवको चैत मसान्तसम्मा २१ करोड ३६ लाख रुपैयाँ कर्मचारीलाई खर्च गरेको होटलले १० करोड ७५ लाख लाखको खाध्यान्न र पेय पदार्थ खरिद गरेको छ।
त्यसैगरी १२ करोड २६ लाख सञ्चालन र ६ करोड १७ लाख ह्रासकट्टी र १२ करोड ३१ लाख रूपैयाँ साधारण तथा कार्यालयमा खर्च गरेको देखिन्छ ।
चुक्ता पूँजी एक अर्ब ७ करोड ४३ लाख रुपैयाँ रहेको होटलको जगेडा कोषमा एक अर्ब ८ करोड १४ लाख रुपैयाँ सञ्चित छ। यस अवधिमा कम्पनीको प्रतिशेयर आम्दानी १९ रुपैयाँ ३१ पैसा छ भने प्रतिशेयर नेटवर्थ दुई सय ६६ पैसा छ ।
होटलको मूल्य आम्दानी अनुपात २२.५८ गुणा बढी छ।