गत आर्थिक वर्षको यही अवधिमा बैंकको नाफा ३३ करोड ५५ लाख रुपैयाँ थियो । समीक्षा अवधिमा बैंकको वितरणयोग्य मुनाफा २२ करोड ३० लाख छ ।
संचालन मुनाफा तथा ब्याज आम्दानीमा भएको सुधारले बैंकको नाफामा बढोत्तरी आएको हो । बैंकले ९ महिनाको अवधिमा ७६ करोड ५७ लाख संचालन नाफा गरेको छ ।
३९ अर्ब ९२ करोड निक्षेप संकलन गरी ४१ अर्ब ४१ करोड कर्जा परिचालन गरेको बैंकले १ अर्ब ५७ करोड खुद ब्याज आम्दानी गरेको छ । जुन गत आर्थिक वर्षको यसै अवधिको तुलनामा ७० प्रतिशत बढी हो ।
आठ अर्ब बढी चुक्ता पूँजी रहेको बैंकको जगेडा कोषमा १ अर्ब ६३ करोड छ ।
बैंककोे ३.७४ प्रतिशतमा रहेको खराब कर्जाको अनुपात बढेर ३.९६ प्रतिशत पुगेको छ । कोषको लागत घटेर ८.४० प्रतिशत कायम भएको छ भने बैंकको आधार दर घटेर ११.२० प्रतिशतमा झरेको छ ।
नाफामा भएको सुधारले बैंकको प्रतिशेयर आम्दानी ६ रुपैयाँ १७ पैसा पुगेको छ । बैंकको प्रतिसेयर नेटवर्थ १२५.०१ रुपैयाँ र मूल्य आम्दानी अनुपात २५.९३ गुणा कायम भएको छ ।