कम्पनीको नाफा गत बर्षको यसै अवधिको तुलनामा ८.६१ प्रतिशतले बढेको छ ।
दोस्रो बजारमा प्रतिकित्ता शेयर मूल्य २० हजार रुपैयाँको हाराहारीमा कारोबार भईरहेको कम्पनीले चालु आर्थिक वर्षको चैत्र मसान्तसम्ममा २७ करोड ३६ लाख खुद नाफा आर्जन गरेको छ । गत वर्षको यसै अवअधिमा कम्पनीले २५ करोड १९ लाख खुद नाफा आर्जन गरेको थियो ।
कम्पनीको मुनाफामा सामान्य सुधार भए सँगै प्रतिशेयर आम्दानीमा पनि सुधार भएको छ । गत बर्षको चैत्रमा २७४ रुपैयाँ रहेको प्रतिशेयर आम्दानी २९७ रुपैयाँमा पुगेको छ ।
चैत्र मसान्तसम्ममा एक अर्ब ४१ करोड ८० लाख रुपैयाँको आफ्ना उत्पादनहरु बिक्री गरेर आम्दानी गरेको छ । यो गत वर्षको तुलनामा कम्पनीको व्यापार २७ करोड २० लाख रुपैयाँले धेरै हो । गत बर्षको यसै अवधिसम्ममा एक अर्ब १४ करोड ६० लाख रुपैयाँको व्यापार गरेको थियो । यस्तै यस अवधिमा कम्पनीको अन्य आम्दानी १२ करोड ३० लाख रुपैयाँ छ ।
चुक्ता पूँजी ९ करोड २१ लाख रअेको कम्पनीको जगेडा कोषमा दुई अर्ब ९ करोड ५२ लाख रुपैयाँ सञ्चित छ । कम्पनीको प्रतिसेयर नेटवर्थ दुई हजार ३७६ रुपैयाँछ ।
