गत आर्थिक वर्षको यसै अवधिमा कम्पनीले १ अर्ब ४ करोड रुपैयाँ खुद बीमा शुल्क संकलन गरेको थियो ।
सूर्या लाइफको बीमाङ्कीय मूल्याङ्कन अघिको खुद नाफा १३ करोड ७१ लाख रुपैयाँ छ । गत आर्थिक वर्षको यसै अवधिको तुलनामा यो ३ करोड ९४ लाख रुपैयाँले बढी हो । गत वर्ष ९ करोड ७७ लाख रुपैयाँ खुद नाफा कमाएको थियो ।
इन्स्योरेन्सले लगानी तथा अन्य आयबाट ३० करोड ६० लाख रुपैयाँ, बीमा लेख धितोमा ३४ करोड १२ लाख रुपैयाँ लगानी गरी २ करोड १३ लाख रुपैयाँ आम्दानी गरेको छ ।
चुक्ता पूँजी १ अर्ब १३ करोड १९ लाख रुपैयाँ रहेको इन्स्योरेन्सको जीवन बीमा कोषमा ४ अर्ब ६४ करोड रुपैयाँ, जगेडा कोषमा ४५ करोड ७४ लाख रुपैयाँ र महा विपत्ती ६ करोड ७० लाख रुपैयाँ संचित छ ।
इन्स्योरेन्सले हाल कायम चुक्ता पूँजीको ७० प्रतिशत हकप्रद र १२ प्रतिशत बोनस शेयर वितरण गरेपछि चुक्ता पूँजी २ अर्ब ६ करोड रुपैयाँ पुग्नेछ ।
तीन लाख ७८ हजार बीमालेख रहेको कम्पनीले कुल बीमा शुल्क भने १ अर्ब ५४ करोड ६४ लाख रुपैयाँ संकलन गरेको छ । एक अर्ब १० करोड रुपैयाँ कूल बीमाशुल्क आर्जन गरेको थियो ।
इन्स्योरेन्सले कुल एक हजार २३८ दाबी वापत १८ करोड २ लाख रुपैयाँ भुक्तानी गरेको छ भने ३१० दाबी वापत परेको एक करोड ७४ लाख रुपैयाँ बराबरको दाबी भुक्तानी गर्न बाँकी छ ।
कम्पनीको प्रतिशेयर आम्दानी १६ रुपैयाँ १५ पैसा, प्रतिशेयर नेटवर्थ १४६ रुपैयाँ ३४ पैसा र मूल्य आम्दानी अनुपात ३२.५० गुणा बढी छ ।