यस अवधिमा कम्पनीले २ हजार ११० दाबी वापत २९ करोड ३० लाख रुपैयाँ भने भुक्तानी गरेको छ ।
चालु आर्थिक वर्षको चैत सम्ममा इन्स्योरेन्सले १० करोड रुपैयाँ खुद नाफा कमाएको छ । यो गत आर्थिक वर्षको यसै अवधिको तुलनामा १ करोड ७७ लाख रुपैयाँले बढी हो । गत वर्षको सोहि अवधिमा कम्पनीले ८ करोड २३ लाख रुपैयाँ खुद नाफा कमाएको थियो ।
इन्स्योरेन्सले यस अवधिमा ३९ करोड ५१ लाख रुपैयाँ खुद बीमा शुल्क आर्जन गरेको छ । यो गत आर्थिक वर्षको यही अवधिको तुलनामा ११ करोड ४३ लाख रुपैयाँले बढी हो ।
गत आर्थिक वर्षको चैत मसान्तसम्म २८ करोड ७ लाख रुपैयाँ खुद बीमा शुल्क आर्जन गरेको थियो ।
यस्तै पुर्नबीमा कमिशनबापत १० करोड ८८ लाख, लगानी कर्जा तथा अन्य आयवाट ३ करोड ५ लाख रुपैयाँ आम्दानी गरेको छ ।
८० प्रतिशत हकप्रद निष्काशन गरेर कम्पनीले चुक्ता पूँजी ९७ करोड २० लाख रुपैयाँ पुर्याएको छ । कम्पनीको जगेडा कोषमा १९ करोड ४४ लाख रुपैयाँ, बीमा कोषमा २२ करोड ७९ लाख रुपैयाँ सञ्चित छ ।
हाल सम्म कम्पनीले ६३ हजार १८२ वटा बीमालेखबाट ९० करोड २२ लाख रुपैयाँ कूल बीमा शुल्क आर्जन गरेको छ । यस अवधिमा कम्पनीको ६ हजार ६७४ बीमालेख नवीकरण भएका छन् ।
कम्पनीको प्रतिशेयर आम्दानी १३ रुपैयाँ ७२ पैसा, प्रतिशेयर नेटवर्थ १४३ रुपैयाँ ४६ पैसा र मूल्य आम्दानी अनुपात २९.१५ गुणा बढी छ ।