गत वर्षको यसै अवधिमा होटलले १५ करोड १७ लाख रुपैयाँ खुद नाफा कमाएको थियो । होटलको मर्मतको चरण सकिएको र आम्दानी वृद्धिका लागि अपनाएको रणनीतिक योजना अनुरुप होटलको मुनाफामा सुधार आएको हो ।
होटलले यस अवधिमा व्यापार व्यवसाय तथा सेवाको बिक्री मार्फत एक अर्ब ३१ करोड ८७ लाख रुपैयाँ आम्दानी गरेको छ । गत वर्षको यसै अवधिको तुलनामा १८ करोड ७८ लाख रुपैयाँले धेरै हो । गत वर्षको यसै अवधिमा होटलले एक अर्ब १३ करोड ९ लाख रुपैयाँ व्यापार व्यवसायबाट आमदानी गरेको थियो ।
यस्तै यस अवधिमा होटलले २९ करोड ३८ लाख रुपैयाँ होटल सञ्चालन नाफा कमाएको छ । गत आवको चैत मसान्तसम्ममा होटलले १९ करोड ३२ लाख रुपैयाँ सञ्चालन नाफा कमाएको थियो ।
चुक्ता पूँजी ६६ करोड ६० लाख रुपैयाँ रहेको होटलको जगेडा कोषमा ८९ करोड ४२ लाख रुपैयाँ सञ्चित छ । होटलको प्रतिशेयर आम्दानी वार्षिक ४ रुपैयाँ ६२ पैसा र प्रतिशेयर नेटवर्थ २३ रुपैयाँ ४३ पैसा छ ।
होटलले गत वर्षको मूनाफाबाट २६.३२ प्रतिशत लाभांश वितरण गरेको छ । होटलले चुक्ता पूँजीको १० प्रतिशत बोनस शेयर र १६.३२ प्रतिशत नगद लाभांश वितरण गरेको हो ।
कम्पनीको कुल आय आर्जनमा समग्रमा १६ प्रतिशतले वृद्धि भएको छ । चौथो त्रैमाससम्मा आय बढाउन व्यवसायीक रणनीतिक संयन्त्रको समुचित सदुपयोग गर्दै होटलको अक्यूपेन्सी बढाउने,र पर्यटन बजारको विविध खण्डमा प्रवेश गरि पर्यटक आकर्षित गर्ने रणनीति लिएको छ । यस्तै व्यवस्थापन अत्याधुनिक प्रविधिको साधन प्रयोग गरि आम्दानी बढाउने र सञ्चालन लागतमा मितव्ययीता गर्दै अनावश्यक खर्च कटौती गर्ने उल्लेख गरेको छ ।