कम्पनीले हाल सम्म १ लाख १४ हजार ५१९ बीमालेख जारी गरी ८५ करोड ७ लाख रुपैयाँ कुल बीमा शुल्क संकलन गरेको छ । गत वर्षको यसै अवधिमा ५६ करोड ९९ लाख रुपैयाँ कुल बीमा शुल्क आर्जन गरेको थियो ।
यस्तै कम्पनीले पुर्नबीमा कमिशनबाट ११ करोड ७२ लाख रुपैयाँ र लगानी कर्जा तथा अन्य आयबाट ६ करोड १७ लाख रुपैयाँ आर्जन गरेको छ ।
कम्पनीले यस अवधि सम्ममा १३ करोड ६ लाख रुपैयाँ खुद नाफा कमाएको छ । गत वर्षको यसै
अवधिको तुलनामा खुद नाफा ६ करोड २३ लाख रुपैयाँले बढी हो । गत वर्ष कम्पनीले ६ करोड ८२ लाख रुपैयाँ खुद नाफा कमाएको थियो ।
हाल ६१ करोड ७६ लाख रुपैयाँ चुक्ता पूँजी कायम गरेको कम्पनीको जगेडा कोषमा ३६ करोड ५० लाख रुपैयाँ, बीमा कोषमा २६ करोड रुपैयाँ सञ्चित छ ।
इनस्योरेन्सले हाल कामय चुक्ता पूँजीको ६५ प्रतिशत अर्थात ४० करोड १४ लाख रुपैयाँ बराबरको हकप्रद बिक्री गरि सकेको छ । त्यसपछि इन्स्योरेन्सको चुक्ता पूँजी एक अर्ब ९१ लाख रुपैयाँ पुग्नेछ ।
यस अवधिमा कम्पनीले एक हजार ६५८ दाबी वापत ३५ करोड ८५ लाख रुपैयाँ कुल दाबी भुक्तानी गरेको छ भने एक हजार ८७२ दाबी बापत ९६ करोड ३१ लाख रुपैयाँ भुक्तानी गर्न बाँकी छ
कम्पनीको प्रतिशेयर आम्दानी २८ रुपैयाँ २० पैसा, प्रतिशेयर नेटवर्थ २०१ रुपैयाँ २१ पैसा र मुल्य आम्दानी अनुपात १३.४४ गुणा बढी छ ।
