एक अर्ब ३३ करोडको शेयर किनबेच, नेप्सेमा सुधार हुँदा समूहगत सूचक मिश्रित

May 15, 2019 Merolagani

शेयर बजारका लगानीकर्ताले शेयर किनबेचको क्रम बढाउँदा कारोबारमा उत्साह देखिएको छ भने सूचकमा समेत सुधार आएको छ । बुधबार साढे ५ अंकले उकालो लागेको बजारमा एक अर्ब ३३ करोड बढीको शेयर किनबेच भएको छ ।

नेप्सेमा सूचीकृत अधिकांस कम्पनीले चालु आर्थिक बर्षको तेस्रो त्रैमासिक वित्तीय विवरण सुधारउन्मुख प्रस्तुत गरेकाले पनि शेयर कारोबारमा उत्साह देखिएको हो ।

यसदिन एनसीसी बैंक, नेपाल बैंक र शिवम सिमेन्टको मात्रै १३ करोड बढीका दरले शेयर किनबेच भएको छ ।

नेप्से सूचक साढे पाँच अंक बढेको बजारमा समूहगत सूचक मिश्रित देखिएका छन् । बुधबार नेप्से सूचक ५.५५ अंकले सुधार भएको बजारमा अघिल्लो दिनको तुलनामा ३० करोड बढीको शेयर किनबेच भयो ।

यस दिन नेप्से ५.५५ अंकले बढेर १३२१ विन्दुमा पुगेको छ । १७२ कम्पनीका ४० लाख ४३ हजार १५७ कित्ता शेयर खरिदबिक्री भएर एक अर्ब ३३ करोड रुपैयाँ बराबरको कारोबार भएको हो । मंगलबार एक अर्ब ३ करोड रुपैयाँ बराबरको कारोबार भएको थियो ।

बुधबार करोबारमा आएका १२ उपसमुहहरु मिश्रत देखिएका छन् । ६ समुहको सूचक सकारात्मक बन्दा ६ समुहकै सूचक नकारात्मक बने । विकास बैंकको सूचक सबै भन्दा धेरै २५.९९ अंकले सुधार भएको छ । यस्तै व्यापार १०.५६, वाणज्य बैंक ९.८६, अन्य ८.१२, फाइनान्स १.९५ र माइक्रोफाइनान्स ०.१३ अंकले सकारात्मक भएका छन् ।

यता उत्पादन तथा प्रशोधन समुहको सूचक सबैभन्दा धेरै ५९.७४ अंकले ओरालो लागेको छ । यस्तै निर्जीवन बीमा ३८.४९, होटल ३४.१९, जीवन बीमा १७.८४, हाइड्रोपावर ७.२६, म्युचुअल फण्डको सूचक ०.०४ अंकले नकारात्मक बने ।

बुधबार एनसीसी बैंकको शेयर अधिक मात्रामा कारोबार भएको छ । बैंकलाई लाभांश वितरण गर्नको लागि अदालतले बाटो खुलाएपछि लगानीकर्ताको चाप बैंकको शेयरमा बढेको हो ।

एनसीसी बैंकको मात्रै १४ करोड ८२ लाख रुपैयाँ बराबरको कारोबार भएको छ । यस्तै नेपाल बैंकको १३ करोड २४ लाख, शिवम् सिमेन्टको १३ करोड ९ लाख, कृषि विकास बैंकको ५ करोड ७६ लाख, एनटीसीको ५ करोड १६ लाख रुपैयाँ बराबरको कारोबार भएको छ । प्राइम कर्मशियल बैंक, हिमालयन बैंक, एनएमबी बैंकको शेयर पनि ३ करोड रुपैयाँ भन्दा बढीको करोबार भयो ।

बुधबार नेपाल कम्युनीटि डेभपलमेन्ट बैंकको शेयरमूल्य सबैभन्दा धेरै ७.९७ प्रतिशतले बढेको छ । विशाल बजार कम्पनीको शेयरधनीले ७.७९, ग्रिन डेभलपमेन्ट बैंकको ६.७३, रिलायन्स फाइनान्सको शेयरधनीले ६.६१ प्रतिशतले कमाएका छन् ।

यस्तै कृषि विकास बैंक, कन्चन डेभलपमेन्ट बैंक, एचआईडीसीएल, एभरेष्ट बैंकको संस्थापक शेयरमूल्य ५ प्रतिशत भन्दा बढीले बृद्धि भएको छ ।

यता हिमालयन डिस्टिलरीको शेयरमूल्य सबैभन्दा धेरै ६.०३ प्रतिशत घट्दा ग्लोवल आईएमई लघुवित्तको शेयरधनीले ५.५२ प्रतिशतले गुमाएका छन् ।

यस्तै शिवम सिमेन्ट, नेपाल सेवा लघुवित्त, नयाँ नेपाल लघुवित्तको शेयरधनीहरुले ४ प्रतिशत भन्दा बढीले गुमाएका छन् ।


comments powered by Disqus

नयाँ दश जीबन बीमा कम्पनीमा देखियो रोचक प्रतिस्पर्धा

Aug 20, 2019 07:05 PM

- अरुण पाख्रेन।
पछिल्लो समय सञ्चालनमा आएका नयाँ १० जीवन बीमा कम्पनीहरुले गत आर्थिक वर्षको वित्तीय  विवरण सार्वजनिक गरिसकेका छन्। जसमा निकै रोचक प्रतिस्पर्धा देखिएको छ। एक कम्पनीले एक शिर्षकमा दाबेदारी प्रस्तुत गर्दा अर्को कम्पनी अर्को शिर्षकमा अब्बल देखिएको छ।