सरकारले कर्मकाण्डी बजेट ल्याउनु हुँदैन : अर्थविद

May 15, 2019 Merolagani

सरकारलाई कर्मकाण्डी बजेट नल्याउन अर्थविद तथा पूर्व मूख्य सचिव लगायतले सुझाव दिएका छन् । उनीहरुले संघीयता कार्यान्वायनलाई बलियो बनाउने किसिमको बजेट ल्याउन पनि सरकारलाई सुझाव दिएका छन् ।

राजधानीमा आयोजित एक कार्यक्रममा पूर्व मुख्य सचिव डा. विमल कोइरालाले कर्मकाण्डी र ठुलो प्रतिज्ञा गर्ने किसिमको बजेट ल्याउन नहुने बताएका हुन् ।

कोइरालाले भने, ‘यसअघिका बजेटहरु प्रचारबाजी र प्रियतावादको लोभमा गाँजिएका हुने गर्थे । कार्यान्वायनमा आउन मुस्किल थियो । जसले गर्दा बजेटको बजेटको पुस्तिका नै फोहोर भयो ।’ संघीयताको आभाष नहुने बजेट ल्याउन नहुने डा. कोइरालाको सुझाव छ ।

सरकारले जनतासामू देखाएको आशा पूरा गर्नु पर्ने उनको सुझाव छ । स्रोतको आयतन साँघुरो भएको बताएका उनले सरकारले प्राथमिकताहरु तोक्नु पर्ने बताए ।

स्थानीय सरकारलाई बलियो बनाउनुपर्नेमा कोइरालाले जोड दिए । उत्पादकत्व बढाउनुपर्ने र शिक्षा, स्वास्थ्य, खानेपानी, सरसफाईलगायत आधारभुत कुरामा जनताको पहुँच पुर्याउनमा बजेट केन्द्रित हुनु पर्ने उनको भनाई थियो ।

राष्ट्रिय योजना आयोगका पूर्व उपाध्यक्ष एवम् पूर्व गभर्नर दिपेन्द्र बहादुर क्षेत्रीले संघीयतालाई जोडदार रुपमा कार्यान्वयन गर्ने किसिमको बजेट आउनुपर्ने सुझाव दिए ।

संघले ठूला–ठूला आयोजना, प्रदेशले मझौला र स्थानीय सरकारले सानातिना आयोजनाहरु हेर्नेगरि बजेट ल्याउन सरकारलाई क्षेत्रीले सुझाव दिए । उनले खर्च गर्न नसक्ने बजेट ल्याउन नहुनेतर्फ सरकारको ध्यानाकर्षण समेत गराएका थिए ।
विगतमा एक सातामा कुल बजेटको ११ प्रतिशत बजेट खर्च भएको तितो सुनाउँदै बजेट कार्यान्वयनको अनुगमनमा पनि विशेष जोड दिनुपर्ने क्षेत्रीको बिचार थियो ।

अर्का अर्थविद् डा. चन्द्रकान्त पौडेलले योजना आयोगको १५ औं योजनासँग अब आउने बजेट हार्मोनाईज हुनुपर्नेमा जोड दिए । उनले भने,‘अहिले दुई तिहाई बहुमतको स्थायी सरकार छ । संस्थागत सुधारहरु देखा परेका छन् । भर्खरै उत्साहजनक लगानी सम्मेलन भएको छ । यस्तो अवस्थामा पपुलिष्ट र महत्वकांक्षी बजेट ल्याउन हुँदैन ।’

पौडेलले पूर्वाधार विकासमा जोड दिनेगरि बजेट आउनेमा आफु विस्वस्त रहेको बताएका थिए । मुलुकको व्यापार घाटालाई सम्बोधन गर्नेगरि बजेट आउनुपर्ने उनको सुझाव छ ।


comments powered by Disqus

नयाँ दश जीबन बीमा कम्पनीमा देखियो रोचक प्रतिस्पर्धा

Aug 20, 2019 07:05 PM

- अरुण पाख्रेन।
पछिल्लो समय सञ्चालनमा आएका नयाँ १० जीवन बीमा कम्पनीहरुले गत आर्थिक वर्षको वित्तीय  विवरण सार्वजनिक गरिसकेका छन्। जसमा निकै रोचक प्रतिस्पर्धा देखिएको छ। एक कम्पनीले एक शिर्षकमा दाबेदारी प्रस्तुत गर्दा अर्को कम्पनी अर्को शिर्षकमा अब्बल देखिएको छ।