हाल एक अर्ब रुपैयाँ चुक्ता पूँजी रहेको लघुवित्तको १८ करोड रुपैयाँ बराबरको १८ लाख कित्ता बोनस शेयर वितरण पश्चात एक अर्ब १८ करोड रुपैयाँ चुक्ता पूँजी पुग्नेछ ।
यस्तै साधारण सभाले लघुवित्तको प्रबन्धपत्र तथा नियमावलीमा आवश्यक संसोधन गर्न सञ्चालक समितिलाई अख्तियारी दिने, लेखापरिक्षक नियुक्ति र पारिश्रमिक निर्धारण, सञ्चालकहरुको बैठक भत्ता वृद्धि लगायतको विषयमा छलफल गरी पारित गरेको छ ।
त्यस अवसरमा वित्तीय संस्थाकी संस्थापक अध्यक्ष भुवनेश्वरी पन्तलाई संस्थाको तर्फबाट सम्मान समेत गरेको छ ।
छिमेक लघुवित्तले चालु आर्थिक वर्षको तेस्रो त्रैमासमा ६४ करोड ३० लाख रुपैयाँ खुद नाफा आर्जन गरेको छ । चैत सम्ममा लघुवित्तको प्रतिशेयर आम्दानी ८५ रुपैयाँ ७४ पैसा, प्रतिशेयर नेटवर्थ २८१ रुपैयाँ १४ पैसा, र मूल्य आम्दानी अनुपात १०.५३ गुणा छ ।
