बैंकमा हाल कायम ६१. ३१ प्रतिशत शेयर संस्थापक तथा ३८.६९ प्रतिशत साधारण शेयर रहेको छ । बैंकले संस्थापक शेयरको ६.३१ प्रतिशत अर्थात ५६ लाख ११ हजार २७१ कित्ता शेयर साधारणमा परिणत गर्नेछ ।
कर्जा सूचना केन्द्रको सूचिमा नपरेका प्रमोटर शेयर होल्डरहरुको शेयर मात्रै साधारणमा परिणत गर्न योग्य मानिने बैंकले जनाएको छ ।
६.३१ प्रतिशत संस्थापक शेयर साधारणमा परिणत गरेपछि बैंकमा संस्थापकको ५५ तथा साधारण शेयरधनीको हिस्सा ४५ प्रतिशत कायम हुनेछ ।
यसका लागि बैंकले गएको साधारणसभा बाट जारी तथा चुक्ता पूँजीको संरचना परिवर्तन गर्ने निर्णय गरी सोही बमोजिम बैंकको प्रबन्ध पत्र तथा नियमावलीमा आवश्यक संशोधन गर्ने निर्णय गरिसकेको छ ।
हाल बैंकको चुत्तापूँजी ८ अर्ब ८९ करोड २६ लाख ७८ हजार ९०० रुपैयाँ छ । गत बर्षको कमाईबाट बैंकले ८ प्रतिशत बोनश शेयर वितरण गरेको थियो ।
चालु आर्थिक वर्षको तेस्रो त्रैमासम्म बैंकले एक अर्ब ४५ करोड २१ लाख रुपैयाँ खुद नाफा आर्जन गरेको छ । बैंकको वितरण योग्य नाफा एक अर्ब १४ करोड छ । बैंकको प्रतिशेयर आम्दानी २३ रुपैयाँ ५२ पैसा छ ।